مرحبا بكم بناات شخباركم فديتكم يوم الجمعه كنت اسولف بين الحريم واااااااضحك واسولف ومستانسه والله يعلم اني طالعه من البيت باجيه وزهقانه حدي ومتهاوشه مع زوجي واحس الدنيا صاكه فيني احس كل شي ضدي بهالدنيا مع اني انسانه بشوشه واجتماعيه ومحبوبه من كل الناس ولله الحمد بس وكشخت وتبخرت وطلعت قلت اسير علي وحده معاي بالدوام كانت لامه البنات يتقهوون عندها فكنت متردده بالروحه قلت دام نامو اعيالي خلني اروح اتونس شوي و شقة ثلاث من البنات موبعيده عن شقتي يعني اروح بالسياره 5 دقابق بس نومت درست اعيالي ونومتهم وزوجي متهاوشه معاه علي عصبيته الزايده اللي عالفاضي والمليان كنت ابلع وابلع ليما مليت ويجي يراضي ويرد يعصب ويراضيني وهذي حالتنا وانا بس ابجي واطنش وانام ومخدتي كلها ادموع مع ان احنا كل واحد يموووووووووووت فالثاني المهم دخلت علي رفيجاتي وقطيت وتعدلت وقعدت اتقهوي واضححككككك ابي افرق اللي فيني من زمان موضاحكه تدرون شقالت لي وحده فيهم هذي عاد محد عاجبها وتحسد احس من افعالها جذيه المهم قالت اكيد ابو افلان مونسج وامس مستانسه العن ام السعاده اللي شاقه ضحكتج اعوووووووووووووووذ بالله من الشيطان الرجيم عشان جذيه تضحكين قلت لها اذكري الله الا ملعون ابو خيري الخير الله يهداج عاد اهنيه اسكتت انا ماحب اتهاوش او اني اعطيها كلام جامد اهنيه حسيت ان الناس فيها بلي احسهم يحسدون الواحد عالضحك وعالبجي وعلي شربة الماي وكل شي فديروا بالكم والله يكفينا شرهم تقعدين وتسولفين وتحسبينهم مثل الخوات وتطلع وحده فيهم عقرب رمل الله المستعان بس والله يفرج همي هذي فضفضه لان احس قلبي متروسه
طنشي
يامالج من الدنيا بس احلى شيء التطنيش
طنشي
يامالج من الدنيا بس احلى شيء التطنيش
تسلمين فديتج المشكله لاطنشتي قلبج من داخل يحترق خاصه الحساسه <<<<<<<
دايما اقري اذكاارررج على نفسج وزوجج وعيالج وبيتج والله يكفينا ويكفيج شر العين
صار لي اربع ايام ماشفت ريلي اول مره ينام بره البيت هالمده والسبه الحجز
وغير حنه اليهال ودوختهم وغير الحمال وهبوطه ودوخته والحارج << اوووووووووووف
الله يعينح ويعيني الناس ماعليها الا بالظاهر ما تدري شنو بداخل الوحده
بس الحمدلله
بس حبيت ارد عالموضوع لانه جذبني
والله يا بنات انا متزوجه من سنه ونص وحياتي مع زوجي كل مالها والاحسن
بس للاسف الحين انا فبيت اهلي مو طايقه بيتي ولا زوجي واذا شفته بجيت وانا طبعي كتومه
واضحك واتغشمر واخش بقلبي يتني وحده من بنات الدوام تقولي شلون سلوم (ريلي) صارلي مده ما شفته ايي ياخذج من دوامج
اهي قالت جذي بغيت اذبحها قلتله انتي واحد من الربع سلومي ما تستحين وسمعتها من الكلام اللي برد حرتي
بس للاسف مارديت بيتي للحين
صج الناس ما تعطي خير
و سكر التلفون بوجهي وانا سكرته بوجه
و اكتئبت حدي حدي … و كلام خايس سمعني وانا سمعته كلام افضع
دقت لي رفيجتي وقالت تعالي في جمعه للبنات معانا .. قلت اوكي و لبست وتكشخت و عدلت نفسي
ورحت لهم …
قعدت لي ساعتين بعدين رحت لاهلي .. واهناك اخذت خواتي ورحت السوق ( انا عقدتي بالعصبيه اروح السوق )
و رحت سجلت بمعهد كمبيوتر .. يعني مستانسه واضحك ( وقلبي على قولتهم يغلي )
لا واشتريت هديه لريلي …. ( اهوا كان يحبها )
و خواتي قالوا ما شاء الله شنو ها الفرح وشنو ها الونااااسه
هذا كله كان بعد العشا
ولو يشوفوني بالمغرب بصلاه المغرب و العصر شكثر بجيت ما يقولون هذه اللي قاعده تضحك الحين قدامنا
بس الوحده شنو تسوي ؟؟؟
الله يرحمها امي كانت تقول اخشها بقلبي تذبحني ولا ابين للناس وتفضحني
صج العين ماترحم ,,
دير بالج حياتي وخلي الاذكار والمعوذات دايما على لسانج
وصح في ناس مشفوحه الله لا يبلانا
بس دام الواحد يحافظ عل الورد اليومي والاذكار
الله سبحانه بيحميه
ويمكن مو قصدها مسكينه ترا رفيجاتي ثنتين
يقطون نفس السوالف بس علبو ضحك وميانه
صح بايخه بس يله التمسي لها عذر
وترا لو صج كنتي مستانسه ما كان راح يحز في خاطرج الموقف
صدقيني يا كثر ما امر في هالمواقف لدرجة عرفوني
لمن اصير متضايقه تلقيني مدهره اجيب اقصاي باللبس والكشخه والسوالف
واذا هي صج حسوده الله يرفع عنها ولايبلانا
ترا مصيبه الحسد لا حول ولا قوة الا بالله
وعسى الله يصلحلج ابو الشباب ويهديه وينوخ عن هالعصبيه
وموفقه
الله يعينكم