مساء الخير
شخباركم بعد العيد والحوسه … اليوم هدأت الأوضاع
وطرت علي فكرة ابي رايكم فيها … اكيد جيتوا تركضون على كلمة قرار مصيري
المهم يا بنااااااااات ياحلواااااااات
انا طالبة جامعية ومتزوجه صارلي سنه بدون أطفال
حملت مرتين والله ماكتب لي يتم …
المهم اني هالأيام أرجع من الجامعه الساعه 4 ونص وارد شقتي اللي في بيت
حمولتي …
تخيلوا اكون قاعده من 6 الصبح ومحاضراتي من 8 لي 3 ونص يعني كرررف
وارجع تعباااانه حدي شقتي كبيره صالة كبيره و4غرف ومطبخ وحمامين
لما ارجع القى الهدوم يبيلهم غسيل وكوي …
السيراميك مبقع يبيله مسح وشقتي كبيره وكلها سيراميك
القى مواعين بالمطبخ يبيلهم غسيل طبعا زوجي مايحتاج ادخل غرفة الكمبيوتر
القى قلاصات ومواعين وقراطيس واقعد انظف
والحمامات يبيلهم تنظيف …
وهالايام احس بكآبه حاسه بهم يااااربي شسوي وخصوصا الكورس الياي
بيكون دوامي لي 5
متى انام وانظف واختبارات وبحوث وموادي هالكورس غثيثة واكيد في منكم
بالجامعه ويعرفون ملاقة الدكاتره وساعات اكون معزومه ولا بروح لبيت اهلي احس ماكو وقت كلش
عاد طرت علي فكرة هاليومين قلت ليش مااقوله يييب لي خدامه عالاقل تفكني
من شغل البيت واتفرغ لدراستي وكتبي وبحوثي والقى وقت لنفسي
اكشخ له افرفش شوي اطلع اتمشى مو حابسه روحي جذيييه
عاد قلتله ابي خدامه << سامحوني ادري اني طولت السالفة واهي قصيره
قالي اوكي الاسبوع الياي اذا نزل المعاش نقدم …
وين المشكلة ……………
يينا لمربط الفرس أحسها فشله ماعندي عيال ويايبه خدامه
احس الناس بيعيبون صح ؟؟
قلت لامي قالت شوفي اللي يريحج والناس محترين اذا عيبوا ؟؟؟
انتوا شرايكم احسها فشله عندي خدامه وماعندي عيال …؟؟
انتوا شرايكم ؟؟
لو انتوا سمعتوا وحده ماعندها عيال ويايبه خدامه شتقووولووون ؟؟
مساء الخير
شخباركم بعد العيد والحوسه … اليوم هدأت الأوضاع
وطرت علي فكرة ابي رايكم فيها … اكيد جيتوا تركضون على كلمة قرار مصيري
المهم يا بنااااااااات ياحلواااااااات
انا طالبة جامعية ومتزوجه صارلي سنه بدون أطفال
حملت مرتين والله ماكتب لي يتم …
المهم اني هالأيام أرجع من الجامعه الساعه 4 ونص وارد شقتي اللي في بيت
حمولتي …
تخيلوا اكون قاعده من 6 الصبح ومحاضراتي من 8 لي 3 ونص يعني كرررف
وارجع تعباااانه حدي شقتي كبيره صالة كبيره و4غرف ومطبخ وحمامين
لما ارجع القى الهدوم يبيلهم غسيل وكوي …
السيراميك مبقع يبيله مسح وشقتي كبيره وكلها سيراميك
القى مواعين بالمطبخ يبيلهم غسيل طبعا زوجي مايحتاج ادخل غرفة الكمبيوتر
القى قلاصات ومواعين وقراطيس واقعد انظف
والحمامات يبيلهم تنظيف …
وهالايام احس بكآبه حاسه بهم يااااربي شسوي وخصوصا الكورس الياي
بيكون دوامي لي 5
متى انام وانظف واختبارات وبحوث وموادي هالكورس غثيثة واكيد في منكم
بالجامعه ويعرفون ملاقة الدكاتره وساعات اكون معزومه ولا بروح لبيت اهلي احس ماكو وقت كلش
عاد طرت علي فكرة هاليومين قلت ليش مااقوله يييب لي خدامه عالاقل تفكني
من شغل البيت واتفرغ لدراستي وكتبي وبحوثي والقى وقت لنفسي
اكشخ له افرفش شوي اطلع اتمشى مو حابسه روحي جذيييه
عاد قلتله ابي خدامه << سامحوني ادري اني طولت السالفة واهي قصيره
قالي اوكي الاسبوع الياي اذا نزل المعاش نقدم …
وين المشكلة ……………
يينا لمربط الفرس أحسها فشله ماعندي عيال ويايبه خدامه
احس الناس بيعيبون صح ؟؟
قلت لامي قالت شوفي اللي يريحج والناس محترين اذا عيبوا ؟؟؟
انتوا شرايكم احسها فشله عندي خدامه وماعندي عيال …؟؟
انتوا شرايكم ؟؟
لو انتوا سمعتوا وحده ماعندها عيال ويايبه خدامه شتقووولووون ؟؟
يعني راح اخذ راحتي باللبس يعني اقدر انزلها تحت ..
بس بصراحه… الزم ماعليج راحتج.. واذا الخادمه بتريحج من هالمعاناه يبيها
ومالج شغل بالناس ولا تأثرين بكلامهم
والله يوفقج ويرزقج بالذريه الصالحه
وثانكس على المرور شكلي هذا اللي بسويه
راح يتحجون ما عندهم شغل فاضين حتى لو ما يبتي راح
يقولون هذي اكيد ما تنظف بيتها ما عندها وقت متى يمديها
فييبيها وايد أحسن لج ألزم ما عليج راحتج
صعديها وقت اللي تبين شغل وهم تساعد خالتج وقولي انها مالتها بالعكس فكرة حلوة
فانا اشوف عادي انج اتقدمين على خدامة حتى لو ما عندج عيال .. يعني يبي لج على الاقل لو اتدزينها للفرع او حق الكوي ..الخ
و ان شاء الله لو اتحملين اتكون متدربة على شغلج
اول زواجي كانت تجيني خدامة بيت خالتي اتنظف و اتمسح كل يومين ..و انا اسوي الي اقدر عليه ..بعدين جبت اندونيسية اول ما حملت و انحاشت من قلة الشغل هههه
و جبت وحدة مؤقته بس تجيني اتنظف و اتروح …
بس قدمت بعدين ……..
من بيعيب؟
بالطقاق قوليلهم اذا مو عاجبكم تعالوا مسحوا شقتي
من صجج بعد عمري والله تحاتين كلام الناس؟
انا بعرف شي واحد بس
يعني اللي ماعندها عيال لازم تكرف وتشتغل وتنظف وتنسى نفسها وتهمل بيتها وريلها؟
هذا مفهوم الزوجه اللي ماعندها عيال؟
لا حبيبتي
اخذيلج خدامه
وخليها تطرف طول منتي موجوده بالشقه بس لاتدشها وانتي مو فيها (بينيلها هالنقطه من البدايه وحرصي عليها)
بس ذكرتيني برفيجتي الله يذكرها بالخير
شقتها قرقور غرفه وصاله وممر صغير سكرته خلته غرفه حق ياهل لما ولدت
يابت لها خدامه وحطتها بالشبرات اللي يبنونهم بره بالحوش
ويوم حملت بياهل ثاني عقب أربع سنين (يعني اليهال شال نفسه وكبر)
يابت خدامه ثانيه تقول ماتكفي خدامه وحده حق ياهل لازم خدامه ثانيه حق الياهل الثاني
وتقولي انتي فشله تييبين خدامه مع انج طالبه وشقتج شكبرها وملزومه تجابلين ريلج؟يبا ييبي خدامه وريحي نفسج ولايهمج احد
<<عرسها قررب واهي بالجامعه واخاف يصير فيني جذى
بس نصيحه لاتيبين فلبينيه مو مضبوطه ولاتخلين الخدامه بروحها مع ريلج ترى الخدم يخرعون
انتي شوفي شنو احسن لج دام ان الخدامة بتنام عند خالتج عادي
أنا مثلك ما عندي عيال و يايبة خدامة ، وايد أفك ، تقعدين من النوم تلاقين شقتك نظيفة و هدومكم مكوية فكة ترى عشان تتفرغين حق دراستك.
و ان شاءالله لما تحملين تكون خدامتج موجودة و مجابلتج بدال ما تطلبين و تنطرين و انتي حامل.