:+"~ تعالي شاركي بوقف التعذيب والقسوة عالحيوانات في سوق الحمام :+"~

السلام عليكم ورحمة الله وبركاته عزيزاتي كويتيات

–
–
كلنا شاف سوق الحمام وكلنا شفنا المآسي هناك وطريقة تعامل العمالة وحتى المواطنين مع الحيوانات المسكينة، القطاوة الصغيرة الي بدون رضاعة امها، والأرانب الصغيرة إلي ملبسينها ملابس، لا تقولون كيوت !! اي حبيباتي مو انتو إلي قعد تتفقصون وتقعدون تحت الشمس والخياس !!! وطبعا شفنا الجلاب المسكينة إلي الشمس حرقتها حرق وقاعدين بدون ماي واحنا نعرف إن الجلب ماله مسامات للعرق إى على ايدينه وارجله من تحت ولا حتى يكتون عليهم شوي ماي علشان يتهوون، وغير الطيور إلي محكورين في قفص وغير اهمال النظافة والحيوانات المريضة والمجروحة هذا غير الي مقطوطين على الأرض لحد يساعدهم ولا شي المهم … في أمل انشالله إن مأساة الحيوانات تنتهي باذن الله وهو عن طريق موقع:

–
CHANGE.ORG
–
وأظن اغلب البنات يعرفون شنو هالموقع وشنو مميزاته وشنو يقدر يسوي باذن الله، بنات وصل التصويت إلى 1,165 مؤيد لوقف وإغلاق سوق الحمام ومحتاج 335 تصويت وفوق، وانشالله نقدر نصك العدد ونعديه بعد بوايد بنات عفية صج ان كنتو تحبون الحيوانات وتبون هالمهزلة في سوق الحمام توقف شاركو وصوتو ما بياخذ منكم وقت أقل من دقيقة وربي، لا تقولون لا احنا نحب سوق الحمام وله ذكريات !!! حبيباتي مو انتو إلي قعد تتعذبون انتو قاعدين في بيوتكم تحت هالتكييف الثلج والأكل والشرب يوصلكم برسم الخدمة وتتسدحون على سرايركم حبيباتي الحيوانات لها حق في هالشي بعد ولا تنسووووووووووون إنه بيكون مساعدة وفي ميزان حسناتكم يعني إذا ما تقدرين توقفين العنف بطريقة ثانية عندج أبسط طريقة وانتي قاعدة على النت
–
–
وهذا شرح للتصويت
–

–
–
ومشكووووووووووووووووووورين