تعـآلـوآ لو بدون رد على الأقل دعـوهـ حلوهـ تكفينآ

السـلآم عليكـم ورحمـة اللـه وبركـآتـه ..

صبآحكـم سعـآدهـ ورضى الرحمـن ..

تنويـه { النكـ مشتركـ وصآحبـة النكـ معرفتـي .. فـ قلت بدل ما ازيد عددكم * مآششاءالله عليكم اللهم زد وبآركـ * قلت ماله داعي اسبب زحمـه ..

اللـه يسلمكـم ويخليكم ويخلي لكـم أزوآجكـم وعيآآلكـم ويرزقكـم الذريـهـ الصآلحـه ورآحـة البآل
والسعآدهـ ويحقق كل اللـي في بآلكـم .. <

قـصـتي إن شآء اللـه بأنزلهـآإ فلـم بسس لمـن أشيب بأسوي مثل تآيتنكـ ..
نتآبع نتآبع وأخرتهـآ عجـوز وتتذكـر ..

المـهم ..

قصتـي بـدتـ أوآخ ـر 2024 ..

حـبيت وآحـد مو من أهلـنآ .. يعـني أهوآ جنوبـي وأنآ شمآليـه …

طبعـآ كآنت مكآلمـات تلفونيـه عرفتـه عن طريـق المـآسنجـر ..

وبسسسرعـه تحـولنـا للتلفـون ..

وسـوآلـف وضحـك .. قسمـاً باللـه ماكنت أحس بالسعـآدهـ وطعـم ضحكتي إلآ لمن أسولفـ معـه ..

المـهم ’,

فـتحـت موضـوع الـزوآج ..

وصـدمـني بـ ردهـ .. أنا ما أصلـح لـج ,

وقتهـا كل عصبيـة الدنيـا طلعـت فيني وشكيت وقتهـآ إني ما خذهـ عصبيـه كل اللي بالكويت ..

وقلت وتصلـح إنكـ تكلمي بـ التلفـون وما تصلح إنـكـ تزوجنـي .؟!

وقتهـآ حآولـت أقطـع عـلآقتـي معـآهـ فـ شوي شوي قطعـت ..

قطعـت 6 شهـور .. ورجعـت لأن اللـه العآلـم باللـي صـآر فينـي ..

رجعـت على شهـر 4 / 2024 ..

كنت خآيفـه إنـه نآسي أو مطنش مع إني كنت وآثقـه إني بقلبـه بسس الخـوفـ ومآيسسسوي . .

لكـن الحمدللـه كنت بقلبـه ..

وسـوآلفـ مو ضروري تعرفوـون لآنهآ سوآلفـ طيش . .

المهـم :-

على شهر 7 بديـت جد معـآهـ وصرتـ أتكن من أولـ وأحآولـ إني ألفت أنتبآههـ أني انثى الكل يتمنآني ..

جووود يحسس ويجي يخطبني .. لكن لا حيآة لمن تنآدي ..

فـ قلت لـه إن فـي نآس يبون يخطبوني وشآفونـي بـ عرس والحمدللـه هم نآس ماعليهم قآصر
نسب وحسب وكل شي ..

عصب وحمق وزف وسكر جهآزهـ يومين

هاليومين صآروا بالنسبه لي قرنين ونسيت النوم وقتهآ ..

رجـع أنا وقتهآ أستـآنسسسـت بس مابينـت ..

قلت انت ماتبي تأخذني ولا تبي أخذ غيركـ .. يعني أخلل عند امي وتحطني مع اللحـم ..
* مو اللحم يحطون معـآهـ خل علشآن ينضج *

قآلـ أبيج لـي ومحـد يأخـذج وأقعـدي

فتحنـآ الج ــد وسألـتهـ شنـو السبب ..

قـالـ/ ما أصلـح لـج ولا أبي أظلمـج أنتي أدرى بحـآلي ,’

( أهـوا المعيل الوحيد لأسرتـه .. وأمـه الثآنيـه وحقـه مهضوم من أخوآنـه من أبوهـ والعلآقـه شبـه مقطوعـه .. أبـوهـ متوفي الله يرحمـه ويغفرلـه .. )

قلت أنا رآضيـه وأبيكـ وأقدر أتحمـل كل شي ..

خطبنـي شهـر 9 اللي فـآتـ

وطبعـآ بالبدآيـه أهـلي مآرضـوا إنه غريب وبعيـد وجنوبـي والعآيلـه والبنت من زمن قحطـه لولـد العـم
ومدري شنـو .. طبعـآ أنا مطنشـه الكل إلأ اللهم امي وأبوي حآولت قد ما اقدر اقنعهم ..
اول شي اقنعت امي علشآن استحي من ابوي واخرتهـآإ امي أقنعتـه ..

المهـم مآلكـم بالطويـلـه . .

تزوجنـآ شهـر 2 تزوجنـآ والحمدللـه الحمدللـه الحمدللـه ..
كنت ومآزلت أسعد وحدهـ بهآلعـآلم

ترى للحين ما وصلنـآ للمشكلـه ..

المشكلـه أني مآكو وقت بينـآ :$

يعنـي أهوآ دوآمـه بالدآخليـه يعـني من 7 المغربـ لي 7 الفجـر ..
يعني نص يومـه بالدوآم ويجي تعبآن دآيخ

ووقتهـ البآقـي يـ مع أهلـه أو شغـل أهلـه أو دوآنيـه ..

يآللـه تـآلي الليـل نقعـد بروحنـآإ ويآتصيب يآ تخيب ..

كلمتـه قلتلـه أبي من وقتكـ شوي قآلـ أنا حآس فيج وإن شاء الله مع الوقـت أعوضـج ..

أنآ ما اغير من اهلهـ وبالعكس اهله عسسسـل ومقدرهـ الوضـع أنااا

بسس لو شوي بسسس ..

أنا أخآفـ أضغط عليـه ويتضآيق ..

يعني وقتـه يآ لدوآمهـ أو للعزآيـم أو أهلـه ..

والله أني أشوفـ صورتـه وأسولف معآهـااا ..

تعبت بسس اللي مهون علي عشقـه لي ..

وخآلتـي دآيمـ تقولـ ما صارت ما حملتي وأنا صرآحـه ما ودي أحمل

تـو ما أسست حيآتي عدل مع الأبـو علشآن أحمـل

مدري شقـولـ لخآلـتي ولـه ..

أخآفـ أقولـه هالكلآم وتحز بخآطرهـ وأخاف اسكت تنفهم شي ثآنـي ..

أهوآ يحب الأطفـآل حيل لـدرجـة أنه يعآندني بـ ولد اخته ..

الخلاصـه :-

باخذ من وقته شلون ؟

واحمل والا لا .؟

وجمعـه مبآركـه عليكم ولاتنسون
الدعوهـ مستجآبـه قبل اذآن المغربـ بسآعـه ..