بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته …….
اشلونكم بنات …….. يا أمهات يا امورات ….. خبراتكم الله يعافيكم ..
بنتي عمرها سنتين واربع شهور … اشلون ادربها على الحمام … طبعا علمتها انها تقولي اذا تروح الحمام وشريت لها ,،، قيصيرية التدريب .. ولبستها بامبرز التدريب …
ماكو فايده … تسوي بالبامبرز وبعدين تقولي ماما ابي الحمام ,, ومرات لما بغير لها او بسبحها … اسألها ماما اذا في سوي … ساعات تسوي … اوكي … ومرات من صجها تقول مافي يعني توعى على روحها .. بس ابي اتخلص من البامبرز أبيها اهيا تقولي ماما وديني الحمام …
مادري في امهات … عادي عندهم يقطعون عيالهم من البامبرزز وعيالهم وانتو بكرامه بكل مكان يسوونها 
،، انا ماحب جذيه وماحب النجاسه …
حجتهم بهالطريقة يتعلموون .. ابي طريقه ثانية …
فبليز للخبيرات انهم مايقصرون بالردوود … وشكرا وبانتظاركم
السلام عليكم ورحمة الله وبركاته …….
اشلونكم بنات …….. يا أمهات يا امورات ….. خبراتكم الله يعافيكم ..
بنتي عمرها سنتين واربع شهور … اشلون ادربها على الحمام … طبعا علمتها انها تقولي اذا تروح الحمام وشريت لها ,،، قيصيرية التدريب .. ولبستها بامبرز التدريب …
ماكو فايده … تسوي بالبامبرز وبعدين تقولي ماما ابي الحمام ,, ومرات لما بغير لها او بسبحها … اسألها ماما اذا في سوي … ساعات تسوي … اوكي … ومرات من صجها تقول مافي يعني توعى على روحها .. بس ابي اتخلص من البامبرز أبيها اهيا تقولي ماما وديني الحمام …
مادري في امهات … عادي عندهم يقطعون عيالهم من البامبرزز وعيالهم وانتو بكرامه بكل مكان يسوونها
حجتهم بهالطريقة يتعلموون .. ابي طريقه ثانية …
فبليز للخبيرات انهم مايقصرون بالردوود … وشكرا وبانتظاركم
شوفى حبيبتى …السالفة يبيلها طولة بال ترا ….
المفروض بهالمرحلة ما تسألينها !!
كل نص ساعة تودينها الحمام …حتى لو ما تبى ..تقعدينها و تفتحين ماى الحنفية ( الصوت يحفز ) … و سويلها هوليله و حطى شمعة و خليها تنفخها
يعنى كافئيها 
خلى روحة الحمام تونسها ..مو شى اجبارى
تالى ..
اشترى لج اندر وير قطن نايلون تلقينهم عند السوريين ملوت الهدوم …من برة نايلون ( عشان ما يسرب ) و من داخل قطن ..و خليها تلبسهم بالبيت …..
اسبوعين جذى ..تالى تدخلين بالجد شوية …نومة الليل ,,, تبدين تودينها الحمام و هى نايمة ( احسن توعينها و تحاجينها …عشان تحس بالموضوع ) و لا تحاتين ..من غرقة النوم راح ترد تنام مرة ثانية ..يبيلج مرتين على الأقل مرة قبل ما تنامين ( على ال 11 ..اذا اهى تنام على ال9 ) و مرة مع صلاة الفجر )…اسبوعين على الأكثر و ان شاء الله الأمور تصير تمام …
و عندج بعد شرشف قطن نايلون انا ماخذته من الجريوى ملوت الأسفنج ..عشان لى بلل ولدى الفراش بالليل ما نغسل الماترس
و بالطلعة : اول ما تدشين مكان على طول قولى لها : اكو حمام وايد حلو خل نروح له …
و انتبهى حق السوائل الى تشربها ..يعنى من تكثر شوى عملى حسابج روحة حمام ..
تنبيه :
لا يكون لا يكون لا يكون تخانقينها ابد اذا سوتها على روحها !!!
لا يكون تعايرينها جدام احد …
بالعكس …كلا مدحيها ..حتى لو اهيا مسويتها بكل ربعة بالبيت …
وديها معاج السوق و اشترى لها اندرويرات باربى و فلة ..و اكو ست يهبل داخل جنطة بلاستيك
و مرى بو 100 اشترى لها هدايا .. على كل روحة حمام عطيها
و الحمدلله البنت وااااااااااااااااااايد اهون من الولد
انا بنتى ..ما تعبت فيها كثر الصبيان …بس هم الحضانة لعبت دور وايد كبير بهالموضوع
عساها على القوة
وان شاء الله هالاسبوع بنتج اتقط الحفاظة وطولي بالج عليها أهم شي
ومره طول اليوم بس يبلل روحه
مو ملحقه عليه
صج الولد يتعب ولدي حليو عمره 3 سنين وللحين البسه حفاظه لما ينام
بس يابنات متى اقدر اعلمه عالحمام من اي عمر الحين ولدي عمره سنه و 10 شهور من اي عمر احسن شي اعلمه عالحمام انا مفكره بس ادخله الحضانه اعلمه لأنه يصير عمره سنتين راح يدخل انشالله الحضانه علشان يعلمونه هناك و بعدين في البيت راح انا اعلمه …. مادري انتوا شرايكم
انا ولدي فوق 3 سنوات قطها
لازم كل نص ساعه تودينها صج تعب بس اخرتها انتى بترتاحين
وبليل لا تشرب سوائل وايد
بس الحين اهم شيء ركزي بنهار انها تقطها وبعين وقت النوم
اذا مفكرة تدخلينها الحضانة ..رقدى و آمنى
بالنسبة للولد و هذى معلومة تونى اعرفها والله من دكتور جراح مال اطفال ….كلما تأخر الولد بقطة الحفاظة ….( فوق سنتين و نص) ترتخى عضلات الخصية ..مو شى خطير ..بس مو مثل الى يقطها مبجر …تصير الخصية مقموتة من البامبرز و شوى تتأثر الأربطة ..أكرر ..مو شى خطير ..
اذا مفكرة تدخلينها الحضانة ..رقدى و آمنى
بالنسبة للولد و هذى معلومة تونى اعرفها والله من دكتور جراح مال اطفال ….كلما تأخر الولد بقطة الحفاظة ….( فوق سنتين و نص) ترتخى عضلات الخصية ..مو شى خطير ..بس مو مثل الى يقطها مبجر …تصير الخصية مقموتة من البامبرز و شوى تتأثر الأربطة ..أكرر ..مو شى خطير ..
مشكوره حبيبتي على التوضيح و انشالله ابلش معاه من يدخل الحضانه لأنه راح يكمل انشالله سنتين
ترا في بامبرز الي يصير جنه اندر وير اعتقد اريح و انظف حق البيبي لأنه ماراح يسويها بكل مكان انا مفكر اني اعلم ولدي على هالبامبرز بس ابلش معاه و اذا فطن و عرف على الحمام هم بخلي عليه البامبرز لحد ما اضمن انه تعلم و انه خلاص ماراح يسويها على نفسه لأني انا بعد اوسوس وايد لى النظافه …
انا كل ما اقعده على القيصلايه يبجي ما يبيها و اذا قام و لبسته الحفاضه سواها
شسوي ؟
انا كل ما اقعده على القيصلايه يبجي ما يبيها و اذا قام و لبسته الحفاضه سواها
شسوي ؟
توه صغير حبيبتي من بعد السنتين بلشي علميه شوي شوي …….
ومشكورين بنات على الردود الرائعه ……..
وانا فعلا انا استخدم حق بنتي البامبرز اللي ينلبس مثل الاندروير بس ماكو فايده يبييلها فترة على ما تتأقلم
واهيا تحب روحة الحمام ,،،، بس مشكلتها ….. تبي تقعددددددددددددددددد على طوووووووول هناك وانا اللي أمل
الله يخلي عيالنا ويحميهم من كل شر