تعليم القراءة والكتابة >> بطريقة سهلة وسريعة

لكن مع مداومة القراءة مع الطفل من قصة او من القران الكريم او حتى درسه راح تعرفين ان ممكن انه يقرا اصعب الكلمات

اقتباس:

المشاركة الأصلية كتبت بواسطة dnyay_mll حبيبتي عندنا صعب وعند عيالنا صعب بس بالبدايه لكن اذا مدرسة الماده زينه والام شاده حيلها مع ولدها وتخصص له وقت لو نص ساعه باليوم تجابله فيها بيسير كل شي اوكي انا بديت من امس اراجع مع عيالي توقعت ناسين كل شي مع العطله لكن ماشاءالله عليهم الكلمات اللي اعطيهم اياها يضحكون عليها يبون اصعب فديتهم الله يوفقهم بدراستهم ويقر عيني بنجاحهم يارب

ماشا الله

الله يوفقهم وأكيد اتفق معاج ان هذا ناتج جهد المدرسة مع الام

بارك الله بعيالج والله يحفظهم

اقتباس:

المشاركة الأصلية كتبت بواسطة شادن33 مشكوره حبيبتي وبعد خليها تتهجى اي شي اتشوفه حتا لوانتوا طالعين تتهجى اسماء المطاعم المحلات بيعلمها وايد هالشي وبعدين ابدوا وياهم بالمقاطع الساكنه اللي من حرفين اسهل وكملوا

الله يعطيج العافية شادن

فعلا اسامي المطاعم او العناوين الكبيرة بالجرايد

ومشكووورة عالاضافة الحلوة

بلشت بالحرووف الهجائيه .. وهذى انسب طريقه .. تعلمينه الحرووف بأشكالها .. مثلا حرف الباء بجميع حالاته

طبعا هالطريقه عشان تاسسين حق اولي ابتدائي وطريقتي كانت ناجحه واتبعتها مع كل عيالي ولله الحمد الحين اهم من المتفوقين .

تبتدون بحرف الالف مثلا .. بالفتحه والضمه والكسره ..

وبعدين اشكال الحروف .. مثلا حرف ال باااء .. في بدايه الجمله ينكتب بـ وفي نهايه الكلمه ينكتب ب .

والحروف اهي اهم شي بالموووضوع يعني اذا تبون عيالكم يقرون ويكتبون من غير نسخ وحفظ لازم يعرفون الحروف بجميع حالاتها ..

وطبعا لازم تبتدوون معاهم هالتأسيس من اولي روضه .. وتستمروون لين يوصل الاول ابتدائي

واذا اتبعتوا هالطريقه والله ما راح تتعبون مع الياهل لا دخل اولي لانه المنهج الحين من غير حروف علي طول جمله امل فراشه بيضااء والحق ربعك ..

الله يعينهم ويعينا يارب ..

قواج الله اختي علي الموضووع وجان زين ينقلون المووضوع بقسم اولياء الااموور عشان الكل يستفيد .