|| ~ تـــجمع رقيه الفاتحه 2 . تسجيل جديد & اشياء صارت لي و الحمد لله ||

السلام عليكم و رحمه الله و بركاته

حبيباتي

هذا هو التجمع الجديد لرقيه الفاتحه , هنالك تجمع قديم لرقيه الفاتحه بس سبحان الله , صار قديم

و مادري شنو صار للعضوات اللي فيه , و هل استمروا و الا لا ؟

ياليت اللي كانت ويانا قبل تدخل و تبشرنا هل استمرت ان شاء الله و شنو الاشياء اللي تغيرت بحياتها

عن اختكم هب العطر ~

انا استمريت عليها فتره ,, و سبحان الله , و الله ما اكذب عليكم , ما شاء الله تبارك الله

ما شاء الله تبارك الله , صارت لي امور عجيييييييييييبه ورائعه

و أهم شيء حصل لي على الاطلاق

( تحسن علاقتي بأخوي )

عندي اخو جبريييييييييييييييييت

ما يتحمل من اي احد اي كلمه !! على الاطلاااااااااااق !!

و ما يثمن كلامه الله يهديه و عصبي واااايد و نفيسه ~

طبعا هذا مو منه , هذا من تأثير الشيطان اعوذ بالله منه ,,

بعد ما استمريت شويه على رقيه الفاتحه , و الله و الله ما اكذب عليكم

صار معاي انا بالذااات شخص ثاااااااني !!

و الله و الله ساعات اقعد اتأمر عليه : عطني هذا , قصر التلفزيون , صك الباب ,

و اقط عليه الحجي احذفه حذذذذذذف : انت , يلا وخر , يا كذاب ,, طل بعينك

تتوقعون اشلون يستقبل هذا مني ؟

و الله انه يبتسم

ما شاء الله تبارك الله , ما شاء الله تبارك الله

لدرحجة انا نفسي استغرب !!!

~

طبعا اختكم هب العطر عندها مشكله ازليه

( انا وحده اذا بديت بالشيء ما استمر عليه

وطبعا وقفت رقيه الفاتحه , لكن اثرها سبحان الله مستمر

للعلم : تراني ما استمريت وايد , و حتى الفتره اللي استمريت فيها كنت ايام اتركها و ارجع اكمل

~

فما بالكم لو استمريت كل يوم ؟؟؟

او كررتها يوميا اكثر من مره ؟؟؟

~

الحين , خلونا بالمهم << اشعقب ؟ عقب ما قلتي قصه حياتج هههههههه

منو تبي تسجل معانا ؟؟؟

يلا يا حلوات

عشان ان شاء الله احوالنا تتعدل و تتضبط قبل العيد