تفسير رؤية الشخص يطير في المنام !!!؟؟

السلام عليكم ورحمة الله وبركاته
هذي مجموعة احلام تخص زوجي اتمنى من دلع العتبان او مفسرة احلام تفسيرها ..

رجاء ما ابغى أي وحدة ثانية تفسرهم لي غير اهل الاختصاص ..

الحلم الأول
يحلم زوجي انه يطير يكون أحد محتاجه او يبغى يمسكه
او يلحقه او يشوف شي فوق فيطير
للعلم انه يطير بيده بدون اجنحة
ومرات يطير بالطيارة
هذا الحلم يتكرر كثيرا من سنتين

واخر مرة كان نفس الحلم انه يطير
ويهرب من ناس يلحقونه
طار شاف ناس عندهم مثل المناسبة
يدقون دفوف فزع منهم وطار بعيد
لقي نفسه في عام 1401
رجع للزمن القديم وكل شي صار قديم
والناس تقوله هذا عام 1401

الحلم الثاني
انه كان موقف سيارته بمكان جت سيارة جنبه لونها ابيض
خرج منها رجال لابس غترة بيضة
وسأل زوجي تحتاج شي ؟
زوجي قال له : لا , فقال له الرجال اتصل على 998
بعدين لما جا الرجال يروح
زوجي حس بتعب شديد ونبضات قلبه متسارعة
يحس كأنه حيموت وصار يتشهد
فصار ينادي ع الرجال
جا الرجال ومعاه مثل الانبوب مجوف طرفه زي الابرة
دخله في بطن زوجي فخرج شي مثل الدم
بعدين سحب الانبوب وحط لصق مكان الدم
وزوجي حس بالراحة بعدها

الحلم الثالث
حلم بالملك عبدالله يصافحه وهو لابس دقلة سودة وثوب ابيض
وزوجي يقول له ابغى وظيفة عندك ..

الحلم الرابع
زوجي له فترة يحلم كثير في ابوه
وحلم مرة ان جاهم حرامي يبغى يسرق بيتهم
ولما شاف ابوه الله يرحمه خاف وراح
للعلم ابوه توه متوفى له شهر ..

زوجي عمره 30 سنة
مطلق عنده ولد والآن متزوج وعنده بنت
موظف ووضعنا المادي ممتاز ولله الحمد