تقدرون تغيرون الريال؟ من هالناحية .

حياتي على حسب الريال خل تقول له هالنقطه وتشوف شنو رده يمكن يقول اي يروح وبعدين مايروح يعني على حسب بس دام انه خايف ربه ويصلي ان شاء الله يتقيد والله يوفقهاا ,,

تقدر ياقلبي وماكو شي بهالدنيا الصعب تحاول فيه مرة واثنين وثلاثة وكثر الطق يفج اللحام

يزاكم الله خير خواتي

ما تقصرون

أبي خبرتكم يا بنات واللي مر عليها ريال جذي سواء اخو أو احد من اهلها أو حتى زوجها اشلون اقدرت تقنعه وهل يستجيب؟

الله يجمعهم اذا في خير

الله يوفقها يارب
مرت واحد من اهلنا لما رحنا نخطبها حق ولدنا كانت وايد متردد بسالفة ان هو ما يصلي بالمسيد
وعقب ما ادري اشلون اقتنعت والحمد لله الحين عندهم ولد وبنت وبس تصدقين قلبي هي اللي كانت ملزمة على ولدنا ان لازم يصلي بالمسيد اطلعت هي اصلا ما تعرف الجبلة وين صايرة

ترى انا ما اغتابها بس الواحد بالاول يشوف الاشياء اللي هو فيه بعدين يشوف اخطاء غيره
مدام اريال خايف ربه ويصلي فرضه وهو بعد قايل لكم انا بعض المرات اروح المسيد يعني نور على نور
يعني هي لو تطلع بعد دينه وتصلي فرضها وهو يشوفها وتزهب المبخر وماي الورد او العطر وتقولة يالله يا فلان زهب شغلك ياريتك تصلي فرضك بالمسيد ولما يرد تكون مزهبة الشاي او الريوق والجو الحلو صدقيني هو من نفسه راح يستانس على هالشئ وراح تكسب اجر روحته للمسيد

الله يوفقهم

ان شاءالله تقدر تغيره

بالكلام الطيب والاذكار الحلوه

والله يوفقهم ان شاءالله.

انا زوجي ببدايه زواجنا يصلي الحمدلله بس نادر ما يروح المسجد كله يصلي بالبيت وقمت اقوله وانصحه والحمدلله الحين كل صلواته بالمسجد حتى الفجر بالكلمه الطيبه والدعاء يصير كل شي والله يوفقها..