تقريري الشامل عن اخن المانيا الجزء الاول

السلام عليكم

اشلونكم يا بناااات و اشلون الكويت و الله ولهنا عليها واااااايد واييييد

اول شي انا الحين باخن بالالمانيا للعلاج

قبل كللللل شي ابيكم تدعون حق امي الله يشافيها يارب .. و الله يسهل علينا :$

بقولكم عن بدايه الرحله احنا يايين على لفتانزا .. و صارت لنا مشكله بالوزن لان ما درينا ان الشخص حقه بس 20 كيلو

و اضطرينا نشيل من اغراضنا كان معانا 10 جناط صاروا بس 6

بس الحمدلله صارت لنا خيره

اول شي ارتحنا من الاغراض لان كنا مأجرين سياره و غصب شالت الـ6 جناظ لو كانوا 10 جان وين نقعد بالسياره

طبعا اجرنا السياره من المطار مده يوم 140 يورو

ثانيا الاغراض اللي نزلناهم كلهم موجودين .. مثل ( البهارات . التمر . الشوربات . القيمر نستله "اهم شي" . الفول . الرهش . جبن كيري . جبن بوك قلاصات . جبن لافاشكيري . مكسرات . حلويات شاميه. اللي يحب جبن قلاص كرافت اييب معاه لان مافيه )

بصراحه انا شفت تقارير وااااايد عن اخن بس لما ييت الديره ما حسيت ان التقارير فادتني وايد

يعني مثلا كاتبين اسامي المحلات غلط او قالوا ان المنطقه هااااديه بس بالعكس المنطقه واايد لويه و زحمه خااصه العصاري

و بعد الساعه 8 بالليل مع تسكير المحلات راح تشوفون مناظر ما تعجبكم ( غير اخلاقيه )

و في تقارير قالوا انها منطقه عائليه لكن اول يوم قالوا السوق يسكر الساعه 8 قلنا نقعد لما يسكر السوق

لما سكرت المحلات .. قتحت المحلات الثانيه (الليليه) انا اسفه اني قلت جذي بس لااااازم اوضح

و طبعا الالمان ما يستأذنوووون عشان توخرين و يمرون يمشون و يدعمون (يا مال الثول) و معاهم عزكم الله جلابهم
و في التقارير قالوا العكس قالوا الالمان يهبلون و حبوبين و ودودين ما شفنا هالشي الا ناااادر

قالوا كللللش ما يعرفون انجليزي بس بالعكس الغالبيه يعرفووون صج مو بيرفكت بس يمشون حالهم و تقدرين تتفاهمين معاهم بسهووله

سوقهم واااااااايد حلو .. كل محلاتنا موجوده هني تقريبا .. يعني لا تحاتون اللي ما مداها تجهز حق السفر راح تلاقي كل شي ان شاء الله ..

من المحلات الموجوده ( زارا . مانجو . برمود . فيرو مودا . اوكايدي . h&m )

و في بعد محلات بس مو ذاكرتهم الحين

و الجو الحين وااااااااااايد بارد قبل يومين نزل علينا ثلج

بكلمكم عنا احنا الحين مو مأجرين سياره لان ما نحتاج كل شي يمنا و احنا قاعدين بالسنتر

اول ما وصلنا قعدنا بفندق all season حليييو اخذنا غرفتين بينهم باب 3 ليالي 380 يورو .. و ان شاء الله بتشوفونه بالصور .. حجزنا الفندق من الكويت من موقع booking

احنا قاعدين بشقه 3 غرف و حمامين و صاله و مطبخ و فيها ستلايت عربي و وايرلس

الشقه اجارها 110 يورو باليوم و زياده 70 يورو للتنظيف مره بالشهر

تحت شقتنا في جمعيتين وحده فيها كل شي حق التنظيف و فيها مكياج .. و الثانيه فيها كل شي حق المطبخ من مثلجات و مواعين .. و هم فيها لحاف و مخاد و شراشف

و اول ما نطلع من العماره على يمينا محل على قوله ابوي ( محل تقزوره ) فيه كلللللللللللل شي من ملابس و مواعين و علاليق للملابس و كراسات و الوان و فناتق للغرف و خماجير وايد باسعار واااااااااااااااايد رخيصه و حلوه

و بعد كل هذي القرقه اوريكم الصور مع الشرح و التعليق