$ & تقريري المتواضع بالصور ( لنقاوي + صن واي لاجون ) $&

السلام عليكم
شلونكم خباركم …

حياكم الله بتقريري المتواضع
الي من 2024 وانا بحطه واهون

اول مره احط تقرير ومو عارفه شلون احطه
عاد شجعوني

ببدي على طول عشان ما اطول عليكم …

بسم الله الرحمن الرحيم

رحلتنا كانت: ( كويت – الدوحه – كوالمبور – لنقاوي )
الطيران : القطريه
الاشخاص : 4 ( انا وريلي – امي و خالتي ) ونونو فديتها
كان عمرها 11 شهر
سعر التذكره : 170 دينار للشخص .
و 40 دينار حق ام كشه .

مدة الرحله : 191 الى 42 <<<<< ناسيه بالضبط بس جنه جذي
تقسيم الرحله :5 ايام لنقاوي ( 4 ليالي )
3 ايام صن واي لاغون ( ليلتين )
6 ايام كوالمبور ( 5 ليالي )

طبعا طرنا من الكويت ورحنا الدوحه ساعتين
بعدين كملنا لي كوالمبور بعدين طيران داخلي حق لنقاوي
صج تعبنا …
__________________________________________________ ______

طبعا اول شي خل اقولكم
ان فيني فوبيا من الطياره بشكل خيالي
بس باس قوي واسافر

من وصلنا مطار الكويت وانا بس ابجي
ركبت الطياره جان اهستر من البجي وانادي المظيفه ودموعي تصب
واقولها انا اخاف ومادري شنو
احسها بقلبها تقول شكو رازه ويهج ويايه

عاد قعدت وبدت الصجيه وطرنا

وعاد اهني بديت اصرررخ وفضحت الدنيا

المهم وصلنا قطر الحمدالله
واتنحر مابي اكمل ابي ارد الكويت
مااقدر اتحمل الطريج 7 ساعات هههههههه

طبعا ركبت غصبن علي
وترا ماكله حبوب منوم 3 مادري 5

وماكو فايده … وفضحت الدنيا بالطياره وريلي عصب علي
والمظيفات دار مداري ونادوا رئيستهم والحاله مستحاله
وكل ما يصير مطبه صرختي تعلى فششششله فششششله
وخالتي وامي ماسكين نور ومجابليني ويضحكون علي اول مره يشوفوني جذي

المهم ما اطول عليكم
وصلنا كوالمبور وقعدنا ننطر طيارتنا حق لنقاوي
وتاخرت الطياره وزاد تعبنا
ومن كثر المنوم الي كليته نمت بالمطار جني من الهنود من غير لا احس
كنت افشل الصراحه

وهاذي طيارتنا

واهني بمطار لنقاوي

واول ما وصلنا عند باب المطار
تلقين البروشرات والاعلانات العربيه طبعا يدرون كله عرب

يتبع …