تخطى إلى المحتوى
الرئيسية » تقرير سريع عن كوانزو الصين صور صور

تقرير سريع عن كوانزو الصين صور صور

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ورحمة الله وبركاته

حبيت احط لكم بعض الصور من رحلتي الى كوانزو الصين واذا شفت تشجيع راح احط لكم صور رحلتي الي دزني هونج كونج الان مثل ما تعرفون تصغير الصور وتحميلهم وايد متعب
ماكنت حاطه ابالي اني اسوي تقرير يوم سافرت فما كنت حاسبه احسابي في الصور كله انا مع زوجي طالعين بالصور

المهم راح احط الصور الموجوده عندي واعذروني انهم اشوي الاني مو حاسبه احسابي بالتقرير السنه اليايه باذن الله ناويه اروح مره ثانيه واحط لكم التقرير الكامل مع الصور

سافرت في عطله الربيع 2024 على الخطوط القطريه سير الرحله كان الكويت الدوحه ساعتين وبعدين الدوحه كوانزو

مدة الرحلة 6 ساعات وعدد الايام كان 17 يوم

من اخطاء الرحله :-
سافرت في عطله الربيع وكان في شهر 1 اواخر الشهر وطبعا محد يروح الصين هل الفتره الان عندهم راس السنه الصينيه وصادف اجازتهم فكانت محلاتهم مسكره خصوصا محلات الجمله والمجمعات الكبيره فقط اهيا الي فاتحه طبعا الي عارف بالصين ما يزورها بهل الوقت .

وكانت زحمه بشكل مو طبيعي بس فوق كل هذا استانست والجو كان حيل حيل حيل باارد وان شاء الله ما اتكرر اخطاء السفره مره ثانيه .

سكنت في فندق جاردن هوتيل كوانزو موقعه حلو يمه مجمعات واهم شي يمه مطعم السلطان التركي غني عن التعريف

هذي صورت الفندق

سوري اني ما صورت الفندق من داخل بس الي حاب يتعرف على الفندق يدش على هل الرابط

في كل مكان انشوف هل الافندي حياكم كل وحده تاخذ وحده افنديه لا تستحون

هذي صورت الشجر من برا الفندق طبعا انا ما خليت هل الافندي مع كل وحده مصوره وياها
وكنت باخذ لي شجر الافندي حق الكويت ودقيت على الخطوط القطريه بس قاالو لي اذا رمز من رموز الدوله يمكن الصين نفسها ما ترضى اطلعه من المطار

وهذا منظر وجبة الفطووور يا زينه من منظر وعلى فكره في بحيره وشلال بس ما صورتهم حسافه

جانب من منظر الفندق بليل

جانب من سوق بيجين رود وهذا سوق طووووووويل على جوانب الشارع محلات

زحمه يا دنيا زحمه

تاابع بنات لحد يرد

الوسوم:

14 أفكار بشأن “تقرير سريع عن كوانزو الصين صور صور”

  1. hanan
    الرد

    بيجين رووود في الليل مع الزينه كل شوارع الصين مزينه يحليلهم مهتمين في ديرتهم

    مسكينه هل البنت الي بالصوره يمكن مثلجة من البرررد الصراحه جوهم كان حييييييال بارد

    سوري ما صورت المجمعات والماركات حقكم اوعدكم على الصيف الياي

    اتشوفون زينهم في كل شارع وكل مكان

    الجندي المجهوول

    بنات لحد يرد بكمل الموضوع

  3. brinhu
    الرد

    وانا اتمشي لقيت هل المجمع حبيته من اسمه

    رحت مجمع دزني الي بكوانزووو

    خذيت وخذيت حق اعياااالي بس طبعا شتوي الاني رايحه لهم في الشتاء الصراحه ملابسهم رووووعه وكل شي حلو عندهم مادري شنو اخذ

    دزني يرحب بكم

    ميكي اهوا ملك الدزني كله

    ركن ثاني من محل دزني

    هذيلي خذيتهم حق قرقيعاني قرقيعان اهلى هل السنه كله من دزني

    حصالات دزني كبار واتفرين راسهم يتبطل معاج واتحطين حلاوج وشغلج وحتي العاب تقدرين اتحطين فيها وايد راهيه

    خذيت الميكي وخذيت ويني ذا بووه بس في هل النوعين

  5. hanan
    الرد

    هذا مو من دزني من محل العابهم محلاتهم خياااال اتشوق ودج تاخذين كل شي حق اعيالج

    هذي الشخصيه ولدي يحبببببها وايد فديته

    حبيب الجميع ستااربكس كنت وايد اقعد فيه واشرب قهوتي وشوكليت هوت علشان ادفي روحي وكان وايد قريب بعد من فندقنا وطبعا كنت اقعد اشبك فيه بعد

    ان شاء الله تقريري المتواضع يعجبكم وتستفيدون منه

    واذا شفت تشجيع منكم وعندي وقت راح انزل لكم مشترياتي من ملابس الاطفال من دزني

  14. kamiliya
    الرد
    تعجبني الصييييين مره

    بس من احلى كوانزو ولاهونج كونج

    واممم والاسعار كيف غاليه ولارخيصه…..

    يعطيك العافيييييييه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.