تكفون ابي حل لعجينة البيتزا

تفضلي طلبج

http://q8yat.net/showthread.php?t=458646

http://q8yat.net/showthread.php?t=459088

http://q8yat.net/showthread.php?t=455711

http://q8yat.net/showthread.php?t=453071

في كتاب المطاحن الجديد طريقة بيتزا ملفوفة العجينه روعة وجربتها سويت بيتزا عادية وفطاير زعتر عجيبة

سوي بحث بقوقل عن عجيـنة ال 10 دقايق
وسويها
هذي عجينتي المفضله ومعتمدتها من زمان
ليييييينه وحلوه وتظبط اكيـد وياج
والاهم انها سريعه
بس اهم اسباب نجاح اي عجينه
انج تعجنينها وايـد اكثـر من ربع ساعه لما تسير بييييضه ولينه

وبالتوفيـق

عجينه العشر دقايق حلوه ومضبوطه بس اخر شي ضيفي 3 قفاش حليب بودر وافرديها وقطعيها دوائر وخليها ترتاه ربع ساعه بعدين حطي عليها الي تبين

يمكن من الفرن لانه الفرن اذاماكان حار حيل ما تستوي العجينه

او يمكن ما اتخلينها تخمر وايد لازم اتخلينها على الاقل 2-3 ساعات

وجربي بفرن بيت اهلج علشان اتطمنين اته العيب مو بالفرن

وهذا الطحين الكويتي (الطحين الفاخر ) وهو افضل من الطحين الابيض

وهذى الخميره التي استعملها … حبوبها صغيره جدا وناعمه وبسرعه تذوب

الكاس المستعمل هو كاس الجبن =240 غ

والملعقة ملعقة الاكل وتكون الكميه ممسوحه

والحليب عادي وحتى لو الملاعق مليانه

والفنجان انا استعمل فنجان القهوه التركيه بس ما امليه على الاخر

والعجينه تتكون من مرحلتين

بالاول تخلطين المرحله الاولى وتتركيها عشر دقايق وراح يكون شكلها سائل اشوي

فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق واضيفي ملعقتين حليب بودر مليانه …. انا احط ملعقة خميره بس

وبعدها تحطين مقادير المرحله الثانيه عليها

3 كاسات دقيق /نصف كاس زيت

وتبدين تعجني فيها … بالاول ممكن تلصق في ايدينك بس عادي حطي في ايدينك اشوي زيت او طحين وابدي اعجني فيها وكل ما طولتي عجن فيها راح تكون احسن واحسن
لما تتكور معاج وتصير ملسه وما تلصق في الوعاء …

اهني ممكن تجهزي حشواتك … ومنها العجينه راح ترتاح اشوي

رشي على السطح اشوي طحين واخذي قطعه من العجينه وابدي افرديها ثم شكليها مثل ما تبين

اخفقي بيضه … وامسحي المعجنات بالفرشه … راح تعطي المعجنات لمعه حلوه … ومنها ممكن نرش سمسم او حبة البركه او سماق او غيره … لان البيض يساعد بتثبيتها

بعدها اتركيها ربع ساعه حتى تتفخ اشوي ودخليها الفرن على درجة 180 وراح تاخذ من الوقت 20 دقيقه تقريبا … او اقل …. افتحي الفرن من تحت بالاول وباخر عشر دقايق افتحي الفرن من فوق لما تتحمر

طلعيها من الفرن وخليها خمس او عشر دقايق وبعدها حطيها في صحن التقديم وغطيها (بالرول الشفاف )حتى تكون طريه معاج الوقت كله …

منقوووووووووول من قووووووقل

اني مثلك ..ضليت سنوات ابغى اطبظ البيتزا ولا استوت ..بس حدها امي تقول ..خساير في الطحين ..ماتلحق تنرمى ولا احد ياكلها ..ولا صارت لى سالفه على البيتزا وهي اني احترقت وانى اطبخها .. لكن لم اياس لاني احبها حاولت وحاولت واخيرا ظبطت وعرفت السر فيها
وهى تخلين الخميرة في ماء دافي وليس حار ومعه سكر حتى يساعدها على الاختمار مدة 8-10 لين ما تشوفين التفاعل صاير بالماء وبس ..بعدين تكملين بقيه الوصفه والسلام

ها قولى لى اذا نجحت