تكفون ساعدوني انا صغيره وماعندي احد اشكيله هل الطلاق هو الحل

بنات ساعدوني تكفون ابيي حل اول شي بقول قصتي مع زوجي من سنتين تزوجت وبعد العررس بشهر طلبت منه نسوي تحاليل بشوف اذا في مشكله عندنا بلخلفه وطلع للاسف عنده ضعف شديد والحمدلله علي كل شي بس مو هذي مشكلتي الرئيسيه المشكله اني احبه حد العشق مجنونه فيه وحتا لو رحت لهلي حدي يوم واشتاق اردله بس اهو يقول خليج استانسي مع اهلج وانا ابي اروح استانس ورفه عن ظغط ادوام وللعلم دوامه ظغط مو طبيعي وهو سعودي يعني مجلب بهدوام عشان راتبهم كويس وهو شايل هم اهله وهو شخص بار باهله بطريقه موطبيعيه ويحترم اهلي حيل وعمره ماذكرهم غير بطيب بس مشكلتي معاه اذا طلبت منه نطلع لازم احن وازن وللعلم راتبه كله لهله يساعدهم بلايجار والماجله وانا وياه عايشين علا راتبي بس اذا طلبت منه شي لو يتسلف لا زم يوفره ومرات يعطيني الي بقدرته ولو كان مصرفه يعطيني وبس بلغصب يغتنع نطلع ونتمشي وبلغصب يوديني اشتري اغراضي لازم صيحه ونجره والي غاثني اذا قعدنا بصاله مايكلمني الا غليل ولو قلتله ليش ماتكلمني يقول استحي اكلمج قدامهم ومعنه يضحك مع اهله ويسولف وذارحت لهلي يدق ويسال ويطمن اذا كليت ومتا نمت واذا بطلع مع اهلي ولا بسافر مايرفض ولا بسسسسسسسسسسسسسسسسسسسسسسس المصيبه مره كان نايم وخذيت سويجه ورحت للجمعيه بسيارته مع ابوه عمي وانا قاعده انبش لقيت تليفون ودقيت علا الارقام محد يرد ورديت للبيت وسويت صيحه وقعدته ونكر وقال انه تليفون اخوه وانا خذيت الرقم ودقيت ثاني يوم وعرفت انه هو صاحب التليفون وكلمت رفيجته وقلتله وتعذر وقال والله اني تايب وسامحته بس الجرح بقلبي للحين وقولولي اهو يحبني اولا وهو مايطلع لدوام الا يبوسني ولاجا يبوسني ويسال عني ولاتعبت مايقصر يجابلني ويهتم فيني وحنون علي بس انا سالفت الاولاد ذابحتني بنفسي اكون ام وابي اعرف اهو يحبني ولا تصرفاته عادي. مثل كل الرياييل