بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم بنات الله يخليكم انا بمشكلة مقطعة قلبي
عندي بنت ولدتها باول شهر يناير مشكلتها تنام النهار كله وتقعد بس للرضاعة او التبديل وتنام على طول بعدها بس قعدتها المتواصلة من الساعة 12 بالليل ل7 الصبح وطبعا طول هالفترة بجي
مع انها لاحرارة ولاتسلخات حفاظة ولاغازات لاني اعطيها دوى اعشاب من المستوصف وتحميلة للتخريج وطرد الغازات
والحين قاعدة تبجي اهزها واقرى عليها واتمشى فيها وماكو فايدة ومدفيتها وشبعانة ومنظفتها وماكو فايدة كل يوم على نفس الحالة تعبت حدي ….مع انها وقت نومها هااااادية ماشاءالله ماكو تعصر تكفون منو نفس مشكلتي؟
السلام عليكم بنات الله يخليكم انا بمشكلة مقطعة قلبي
عندي بنت ولدتها باول شهر يناير مشكلتها تنام النهار كله وتقعد بس للرضاعة او التبديل وتنام على طول بعدها بس قعدتها المتواصلة من الساعة 12 بالليل ل7 الصبح وطبعا طول هالفترة بجي
مع انها لاحرارة ولاتسلخات حفاظة ولاغازات لاني اعطيها دوى اعشاب من المستوصف وتحميلة للتخريج وطرد الغازات
والحين قاعدة تبجي اهزها واقرى عليها واتمشى فيها وماكو فايدة ومدفيتها وشبعانة ومنظفتها وماكو فايدة كل يوم على نفس الحالة تعبت حدي ….مع انها وقت نومها هااااادية ماشاءالله ماكو تعصر تكفون منو نفس مشكلتي؟
واشوي واشوي يتعدل نومها لا تخافين
او اذا ما عطيناها هذا مرات انا اعطيها دوا اسمه bimbi gas شريته من الصيدليه والله من اعطيه بنتي شوي و تسكت
اهو مال غازات . بس شوفي اذا يناسب عمر بنتج .
للي نفع مال المستوصف وايد زين بصراحه
وترا هذى فترة وتعدى اول شهر لااازم جذى
اوا يوم على ال10 قوميها وخليها ليما 12 اليوم اللي بعده 9 شوي شوي على 7 وبترتاحين ان شاء الله
بنتج الله يحفظها مافيها شي بس نومتها بالنهار مشبعتها
قالولي عدلي نومتها ما كو فايده
مثلا اقعدها 8 بليل تنام 9
ولا تطول بالنومه وتقوم 1 وتقعد لي الصبح لي 10 او 11 الصبح بجي
ما اقول غير الله يعينج ويعطيج طولت البال والصبر يا رب
شوفي اذا عندج احد اييبلج من لبنان دوا بيبي كال واايد ممتاز يهدي البيبي وينومه طبعا هذا اذا خلاص جربتي كل الحلول
وانا انصحج تطولين بالج انا مريت باللي انتي فيه بس تكبر شوي راح تعدل نومتها بروحها الحين تحملي عادي اليهال اغلبهم ماينامون الليل وبجي وصيااح مو بس انتي تطمني ..
ومبروك ماياج
شوفي لاصارت الساعه 8 ونص او 9 قعديها لعبي معاها لاتخلينها تنام لما تصير الساعه 11 ونص او 12 بعدين عطيها رضعتها عشان تنام لأن تكون تعبت من اللعب والقعده وشبعت جذي تنام وماتقوم الا وقت الرضعه اللي وراها
واذا شربتيها رضعتها اللي وراها واهي نايمه يعني ماتنطرينها تقوم وتبجي من اليوع راح تكمل نومتها
جربي وشوفي تضبط معاج ولا لأ لأن كل ياهل غير
واذا نامت الظهر نامي معاها عشان تقدرين تسهرين معاها اذا مانامت بالليل
بس شنو سبب البكاء؟؟؟ توقعت الياهل لما يقعد يكون هادي بس اهي بجي متواصل كل شي سويتلها وماكو فايدة !!!!
شنو سبب بكائهم؟
صج راح تتعبين بس بعدها ترتاحين ينام معاج ويقعد عقبج ههههه
الله يخليها لج وتشوفينها عروووس
اذا انتي متاكده ان بجاها مو غازات ولا عوار بطن ولا مريضه الله يحفظها يمكن بنتج ممصوعه يعني فيها مصع وهذا يكون سببه الشيل الغلط للياهل والمصع مايخلي الياهل ينام خصوصا بالليل وكله يبجي
بقولج طريقه وسويها وانشالله راح ترتاح بنتج وتنام
دفي زيت زيتون وبليل دلكي بنتج ودهنيها فيه عدل خلي الزيت يتشرب جسمها عدل ودلكيها بس اشوي اشوي لاتنمصع ومهديها وحتي شعرها دهني ودلكي عالخفيف ولبسيها كبوس ودفيها عدل ونوميها وبتنام انشالله مرتاحه
اذا عندج احد كبير مثل الوالده او خالتج يعرف للمصع خل يشوفها لج لان المصع يبين وتقدرين انتي تسوينه اذاقلبج قوي
عقب ماتدهنينها عدل نوميها على ظهرها ومسكي ريلها الثنتين ومسيهم عدل وشوفي اذا متساوين او لا وممكن يكون المصع بالايد بس هذي صعبه اتسوينها مو اي احد يسويها الا اللي يعرف
انا عيالي ما اسويلهم الوالده الله يسلمها اتعرف وتسويلهم اذا فيهم شي
الله يعينج ياقلبي وعلى فكره دهنيها بالزيت لمدة 3 ايام متواصلين ولاتسبيحنها الا 4 يوم واهم شي اتدفينها
والله يخليها لج ويحفظها وطمنيني عليها
من يصير عمر البيبي شهرين ونص او ثلاث شهور بترتاحين
هدي بالج صدقيني فتره وتعدي