السلام يا الغاليااااااااااات
طلبتكم لا تردوني عسى اللي ترد علي الله بوفقها و يرزقها من حيث لا تحتسب
انا خدامتي بتسافر هاليومين و هي اللي كانت اتسوي الغدا والحين توهقت بالغدا
لانها بتسافر وانا دوام ما ارجع الا الساعه 2
و زوجي ما يمدح الاطبخها و ما ياكل الا اكلها
لدرجة الحين عندي خدامه اندونيسيه بدالها وما ياكل منها
يقول اكلها مو نفس الخدامه الاوليه
وحمولتي بعد دايما يقولون الله يعينك بس بتسافر خدامتك ما راح تغدا
والله يا بنات هذا اللي صار و الحين مابي شي بس ابي منكم طلب صغيروووون
ابي منكم تعطوني طريقة او رابط فيه طريقه اسوي فيه الغدا بسرعه بعد ما ارجع من الدوام
يعني مثلا اسوي شغلات باللي و لما ارجع من الدوام اسويه
يعني الموظفه و ترجع من الدوام تسوي غداها تقولي شلون لاني و الله ما اعرف
ابي طرق مختلفه عيش مع دجاج مع لحم مع سمج
ابس انوع
السلام يا الغاليااااااااااات
طلبتكم لا تردوني عسى اللي ترد علي الله بوفقها و يرزقها من حيث لا تحتسب
انا خدامتي بتسافر هاليومين و هي اللي كانت اتسوي الغدا والحين توهقت بالغدا
لانها بتسافر وانا دوام ما ارجع الا الساعه 2
و زوجي ما يمدح الاطبخها و ما ياكل الا اكلها
لدرجة الحين عندي خدامه اندونيسيه بدالها وما ياكل منها
يقول اكلها مو نفس الخدامه الاوليه
وحمولتي بعد دايما يقولون الله يعينك بس بتسافر خدامتك ما راح تغدا
والله يا بنات هذا اللي صار و الحين مابي شي بس ابي منكم طلب صغيروووون
ابي منكم تعطوني طريقة او رابط فيه طريقه اسوي فيه الغدا بسرعه بعد ما ارجع من الدوام
يعني مثلا اسوي شغلات باللي و لما ارجع من الدوام اسويه
يعني الموظفه و ترجع من الدوام تسوي غداها تقولي شلون لاني و الله ما اعرف
ابي طرق مختلفه عيش مع دجاج مع لحم مع سمج
ابس انوع
ياويلي
أنا شي أسويه بليل ولم أرد أكمل
شوفي هالمواضيع
http://q8yat.net/showthread.php?t=319143
http://q8yat.net/showthread.php?t=319451
http://q8yat.net/showthread.php?t=257318
أو
من الليل قصصي الخضروات اللي تبينها و اذا فيه تتبيلة حق الدجاج أو اللحم…الخ و بعدين حطيهم في تبر وير بالثلاجة و لما ترجعين الظهر طبخي الأكلة
واذا كان شي بالفرن توصي الخدامه تدخله الساعه الفلانيه ولما ترد يكون بيخلص
واذا قلي ما قلي لما ترجع تقلي
يعني ما يطول الغدا يمكن يتاخر نص ساعه بس على ما كنا نرجع ونغسل ونصلي الا الاكل جاهز
انتي وصي خدامتج قبل لا تروحين الدوام مثلا اذا غداج مجبوس
خليها اتطلع الدياي وتغسله وتركبه لج على النار وتنقع لج الحشو وتتقصص البصل وجيلي لها العيش علشان الساعة مثلا 12 ونص تغسله وتنقعه لج وانتي لما تردين تحطينه على ماي الديايوعلميها شلون تسوي الدقوس او انتي سويه بالليل
ومو لازم كل يوم دقوس سوي كميه تكفي جم يوم واخذي منها على قد غداكم
وانتي طبعا عطيها مكاييل مضبوطه
انا خدامتي الأوليه اللي سافرت ما تعرف كوعها من بوعها ،، بس انا ما عندي دوام الصبح بس اقعد شوي متأخر على الساعة وحده
وكل يوم انا والغدا سالفتي سالفة بسرعه بسرعه جنه احد يركض وراي قبل لا يردون عيالي وريلي ،، بس بعدين تعبت وانا من النوع اللي احب اسهر .. فشسويت علمتها شلون تزهبلي الغدا يعني عطيتها الاستكانة مالت الجاي قلتها كثرها تحطين زيت وبصلتين وحده للعيش ووحده للحشو وقفشة كاري وجم حبة بهار حب … إلخ وعلمتها على حمسة الدياية شلون تحمسه وتبهره وتصب الماي الحار عليه وتخليه نص ساعه بعدين تطفي عليه وتنقع قفشتين حشو وطاسه عيش وبعدين علمتها شلون تسوي الدقوس او انا مرات اسوي واخليه بالثلاجه ونتسخدمه على 3 ايام..حتى السلطة تزهب لي خضرتها وتغسله وانا اقصصها … والله شنو ارتحت اقعد من النوم اطلع الدياية من الجدر وانطر المروق لما يفور اشوف قياس الملح واكب العيش عليه واسوي الحشو والسلطة…
بس الحين خدامتي اليديده ما تعرف شي فرديت انا اسوي كل شي .. بس صرت اقعد ابجر من اول