تنصحوني بالتدريس؟

عكس الوزارات الثانيه كل شي احسن منا حتى الاعمال الممتازه اقل شي التربيه ليش ولا بعد بالخش والدش

ثاني شي التحضير و تصحيح الدفاتر بياخذون كل الوقت مو بس المدرسة بالبيت بعد
ثالث شي كلام رضاهم الجنه صحيح 100 بالميه

أنت شوفي تقدين تستحملين عوار راس و وقتج كله مو لج حق المدرسه و البنات ؟؟

بس أنصحج لوجه الله
انحاشي عن التدريس

انا كنت قمة الابداع لكن عندي مسؤوليات غير شغل المدرسة وانا حتى في المدرسة ما ارتاح ما يخلونا نتفرغ ونبدع للعملية التدريسية ومعروف صاحب بالين جذاب وهذا اللي خلاني اكره التدريس بعد سنوات عدة قضيتها فيه لان بالي صار مو للتدريس بس صار للأمور الثانوية المفروضة علينا

اقتباس:

المشاركة الأصلية كتبت بواسطة mazajeia شوفي حبيبتي للاسف اغلب المعلمات داخلين مجال التدريس مو حبا فيه عشان جذي يقولولج انحاشي شوفي حبوبه اذا انتي حابة التدريس وداخلة كلية التربية حبا بهالمجال صدقيني مرح تملين بالعكس التدريس شي ممتع جدا وانا طالبة حالي حالج بس اعرف معلمات يعشقون التدؤيس ومشاللة عليهم حيل يمدحون المهنة مع انه حصصهم كثيرة يعني مواد لغة عربية ثنوي وفي ابلات اعرفهم يكرهون التدريس مع انه حصصهم شوية فالموضوع موضوع ميول اذا انتي حابه دشي ومالج شغل بكلام الباجي وبالنسبة لي هالمهنة من اجمل المهن موفقة حبوبة

اختي انا اعشق التدريس والى الان اموووت فيه والحمدلله لي قبول عند الطالبات واحب اقوي نفسي في مهنتني

لكن وحطي تحت كلمة لكن خمسين خط ان المدرسه مو موظفينها للتدريس بس !! لاااا لاعمال ثاتيه ثانويه ومسخره وكرف وبهرجه على قلة سنع ومرات يخلونا نطوف حصصنا علشان نسوي ورشه او اسبوع ثقافي او ندوه او معرض ختام انشطه و … و …<<< يعني الهدف من التدريس اللي هو الطالب صفطوه على جنب امام الشغل السخيف اللي يخلونا نسويه !!

بالعربي اذا الوحده مستعده اتسوي كل سنه اشياء مو مقتنعه فيها بتاتا تروح تدريس والله يسهل دربها

والله ثم والله انا مروا علي 8 ناظرات وكلهم نفس الشي يحبون الابله اللي تسوي لهم كل شي وعلى حسابها ويعتبرونا المعلمه رقم واحد واهم بالتدريس خرطي في خرطي !!

احنا موظفات تحت مسمى معلمه لكن الواقع غير هذا تماما