.gif "Eh S(20)")
السلام عليكم ورحمه الله وبركاته
شلونكم يا معشر المزوجات .. شخباركم؟؟ .gif "Eh S(6)")
انا توني ما تزوجت .. بس ان شاء الله عن قريب راح انظم لكم !
راح تستغربون وتقولون هذي شمدخلها هني .. خل تروح ركن العروس بس راح اقولكم السبب باخر الموضوع ..
الله يسلمكم بعد شهرين تقريبا ان الله سهل ملجتي ..
وطريقتنا ان نسوي حفله ملجه بسيطه .. والعروس والمعرس يسهرون مع بعض بصاله من صالات البيت .. الان اذا طلعوا راح روح الوقت وما يشوف المعرس كشخه العروس .. وانا مع هذي الفكره 100%
في وحده من البنات عرضت علي فكره سوتها بملجتها ..
الفكره تقول ..
اني اشتري هديه للمعرس .. (( ساعه .. عطر .. بوك )) وتكون معاها ورقه مكتوب عليها عباره (( عباره محترمه )) .. ويمكن احط صوره من صوري ..
واغلفهم تغليفه حلوه ..
واذا خلصت سهرتنا وقام بروح .. قبل لا يمشي اعطيه الهديه واطلب منه ما يفتها الا بالبيت ..
المطلوب منكم ,,
شرايكم بالفكره كونكم متزوجات وتعرفون اطباع الرياييل !!
ولا اخليها بعدين مو اول يوم ؟؟
ولو ريلج كنتي مسويتله جذي ,, شنو تتوقعين رده فعله ساعتها ؟؟
والي تعجبها الفكره .. تعطني افكار بالتغليف او بنوع الهديه او الكلام الي بالعباره ..
ملاحظه ,,
هالايام اهو يابلي هديه واايد حلوه وثمنيه خارج نطاق المهر
اتمنى انكم عرفتوا ليش انا تزلت هالموضوع بهالقسم
واتمنى الكل يجاوبني .. حتى الي مخطوبه او الي مو متزوجه الاني ودي اسوها ومحتاره 
شلونكم يا معشر المزوجات .. شخباركم؟؟
انا توني ما تزوجت .. بس ان شاء الله عن قريب راح انظم لكم !
راح تستغربون وتقولون هذي شمدخلها هني .. خل تروح ركن العروس بس راح اقولكم السبب باخر الموضوع ..
الله يسلمكم بعد شهرين تقريبا ان الله سهل ملجتي ..
وطريقتنا ان نسوي حفله ملجه بسيطه .. والعروس والمعرس يسهرون مع بعض بصاله من صالات البيت .. الان اذا طلعوا راح روح الوقت وما يشوف المعرس كشخه العروس .. وانا مع هذي الفكره 100%
في وحده من البنات عرضت علي فكره سوتها بملجتها ..
الفكره تقول ..
اني اشتري هديه للمعرس .. (( ساعه .. عطر .. بوك )) وتكون معاها ورقه مكتوب عليها عباره (( عباره محترمه )) .. ويمكن احط صوره من صوري ..
واغلفهم تغليفه حلوه ..
واذا خلصت سهرتنا وقام بروح .. قبل لا يمشي اعطيه الهديه واطلب منه ما يفتها الا بالبيت ..
المطلوب منكم ,,
شرايكم بالفكره كونكم متزوجات وتعرفون اطباع الرياييل !!
ولا اخليها بعدين مو اول يوم ؟؟
ولو ريلج كنتي مسويتله جذي ,, شنو تتوقعين رده فعله ساعتها ؟؟
والي تعجبها الفكره .. تعطني افكار بالتغليف او بنوع الهديه او الكلام الي بالعباره ..
هالايام اهو يابلي هديه واايد حلوه وثمنيه خارج نطاق المهر
واتمنى الكل يجاوبني .. حتى الي مخطوبه او الي مو متزوجه الاني ودي اسوها ومحتاره
ثانيا اذا اهوه شرالج هدية قيمة وثمينة على قولتج ماكو مانع تاخذيلة هدية الرسول اقول تهادوا تحابوا
بس في شغلة بحذرج منها لاتعودينة اذا يابلج هدية لازم اتردين علي بهدية يعني اذا شرالج شغلة مو ظروري اتهادينة عشان مايحط ابالة اذا عطاج شي لازم اتني تعطينة انشا الله فهمتي وجهة نظري
عموما الريال الي معدنة طيب ابين من البداية الله يوفقج انشا الله وسهل امورج
بس انا مع انج تنطرين فترة عقب الملجة
انا عن تجربه بعد شهر عطيته هدية وايد اثرت فيه
والله يوفقج انشاءالله
و اذا ما تعرفينه من قبل بعد نطري اكثر تعرفي شوي عليه بعدين عطيه الصورة و الهدية .. قولي اسبوعين ثلاثة على الأقل …
هذي وجهة نظري ..
و الله يوفقكم يا رب و يحفظكم و يتمم عليكم بألف خير
والف مبروك مقدما .. وعسى ربي يوفقج واهنيج.gif "Eh S(17)")
خليها بمناسبه معينه مثل مرور شهر او شوفيلج مناسبه حلوه وعطيه الهديه
ممكن يكون حظج حلو ويكون عيد ميلاده قريب ان شاءالله بعد ملجتكم
وعن نفسي ريلي يمووووووووووووووووووووت بالهدايا
ومن اسويله شي او اجيب هديه
يخليني يا دهينه لا تنكتين
بس مره وحده سويها ، مو كل شوي طاقه الدرب وشاريتله هديه
يقول هاذي ماصدقت على الله ريل هاهااهاهاههااه
ومبروووووووووووووووووووووووووووووك حبيبتي والله يوفقج
والف مبروك مقدما .. وعسى ربي يوفقج واهنيج.gif "Eh S(17)")
طبعا وما تدرين ردة فعله بينه وبين نفسه
انا اشوفها خوووووش فكره وايد حلوة
وانا عطيت زوجي ولبسته ساعه انا يايبتها بوقت الملجه لمن لبسني الشبكه
حلوه لمن تقوليله خلها بالبيت افتحها وتحطين صورتج وعباره حلوة
خوش فكره بالعكس
والله يوفقج
انا رايي من راي فلانه
نطري شوي حبيبتي منتي خسرانه اول وتالي بتهدينه
الله يوفقج عزيزتي وتدوم المحبه بينكم يارب
يوم الملجه بتكون فيه حركااات ثانيه ويوم مشوق مايحتاج هديه خليها ليوم ثااني
هديتج ماراح يصير لها ها الكثر قيمه لأن الغالب فرحته فيج تكفي…..
عقب جم يوم تفرحينه بهديه تكونين من قعدتج معاه ها الجم يوم عرفتي انه تونسه.
أذكر رفيجتي عقب الملجه باسبوع او اكثر شوي ريلها سافر…و صار وقتها معرض الكتاب و هو استخبر ان فيه مجموعة كتب صار له سنين يدورها مو لاقيها معروضه بالمعرض…
المهم وصاها تشتريهم له.
فهي قالت خوش زلقه بطيحه
شرتهم و شرت معاهم هديه جذيه…
بس أكثر شي استانس عليه و ظل سنين يذكرها فيه هو التغليف ….
يعني بدعت بطريقة تغليفها للهديه و حركاتها فيها اللي طار الريال.
الشهد بعض الرياييل يفرحهم شي مو على بالج.
يتضايق اذا جابت له شي…
خاصه بالبدايه …..