توكلت على الرحمن وراح أبذل الأسباب يوميات طفولية =)

بسم الله الرحمن الرحيم

والصلاة والسلام على سيد المرسلين محمد بن عبد الله وعلى آله وصحبه الطيبين الطاهرين ..
أما بعد ..
أنا ماني غريبة أبد على هالمكان وصلت حق هدفي ..
بس للأسف زاد وزني ..
كان وزني 58 و ألحين وزني اليوم 64.6 ..
ما راح أحبط نفسي و ألوم نفسي ليش صار جذي ..
المهم إني أتوكل على الله و أبذل الأسباب .. وكله على الله سبحانه ..
ودام إن الإرادة بفضل الله موجودة ماكو شي مستحيل ..

معلوماتي الشخصية :

الاسم : طفولية
الطول : 158
الوزن الحالي : 64,6
الهدف الأول : 60
الهدف الثاني :55

هذي يوميات عشان ألزم نفسي وما أخربط وبنفس الوقت أعرف أنا شنو قاعدة أسوي ..

أنا اليوم بديت تخفيف إلى يوم السبت ..
ومن يوم الأحد راح أبدي انطلاقتي باذن واحد أحد ..

المرحلة الأولى : من يوم الأحد 28-1- إلى الأحد 26 – 2 –
المفروض إني بهالفترة أحقق الهدف الأول ..

وربي ولي التوفيق ..

وما أبي منكم إلا تشجيع ودعاء من قلبكم إني أضعف بصحة وعافية و أحقق هدفي ..