ثلث سكان الكويت راح يصابون بالموجه القادمه من انفلونزا الخنازير ,خبر عاجل ع الراي

السلام عليكم يا بنات

مساع وانا قاعده اتابع الراي ,, وياريتني ماتابعت ,,,

حطوا خبرين عاجلين

اول خبر عن وفاة مواطنه اربعينيه بانفلونزا الخنازير اتوقع هذي سادس اصابه حسب ما اذكر-عسى ربي يرحمها ياارب

والخبر الثاني اللي صرقعني ان ثلث سكان الكويت راح يصابون بالموجه القادمه من انفلونزا الخنازير ,,حسب تقرير مادري اي منظمه ما انتبهت الله يكافينا الشرر يابنات ويرفع عنا هالبلاء

يابنات في سؤال يدور ابالي

الحين بس الكويت اللي المرض منتشر وفيها لويه وعفسه من هالمرض؟؟ شلون على دول الخليج؟؟؟؟ ماعندي اي فكره الصراحه انتو عندكم خبر شلون الوضع بالخليج؟؟؟ ز

وعندي اقتراح مادري شرايكم فيه وتايدوني والا لا ؟؟؟؟؟؟؟؟؟؟؟؟

الحين اللي مثلا فيه انفلونزا عاديه ويخاف ويوسوس اذا بيروح يجيك على عمره اول لازم يروح المستوصف ويحولونه من المستوصف للامراض الساريه ,,, شدعوه ليش هالطواااااااااله ؟؟؟ليش مايكشفون عليه بالمستوصف؟ اذا مافيه يصرفونه واذا فيه او مشتبهين فيه يحولوونه ؟؟؟؟؟؟؟؟؟ دام المرض قاعد ينتشر عندنا بالديره ليش ما تسهلون ع الاوادم؟ ليش ما تحطون بكل مستوصف ومستشفة خاص او حكومي مكان للكشف على انفلونزا الخنازير ,,واذا ثبت الاصابه هذيج الساعه يتحول للامراض الساريه ,,

ليش معقدين ع الاوادم بكل شي حتى بالمرض؟؟؟؟؟؟؟؟ شهالطواله ؟؟ يعني ياينا الشتا والناس على طول تمرض بالانفلونزا هذي مهي حاله عسى ما عطسنا والا صخنا رحنا للامراض الساريه ؟واااي حتى اسمه يخرررع ,,, سهلوا علينا وحطوا اجهزة كشف بكل مكان ,, والله مستعده اقط فلووسي واروح مستوصف خاص والا مستشفى بس اكشف والا هالطلابه اروح مستوصف ويحولوني للامراض الساريه

شرايكم بنات انا غلطانه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا اتحجى عن الكشف مو العلاج
حسب ما فهمت ان اهم شي بهالمرض اهو سرعة اكتشافه ,, واهم باجاراءاتهم وتعقيداتهم ياخرون الاوادم

عسى ربي يحفظنا ويفرج عنا يااااااارب