جان زين كل وحدة مشهورة بطبق معين تعطينا الوصفة !!

بنات شرايكم كل وحدة مشهورة بطبق معين والكل يسالها عنه لما تسويه
ومح يضبطه كثرها تقولنا شنو هالطبق وشلون تسويه وشنو سر خلطتها فيه

شرايكم؟؟؟؟؟؟؟

يالله انا اول وحدة…..

بصراحة انا مشهورة بشوربة البروكلي وكل مرة اسويها لازم يسالوني عنها

المقادير:

1/4 كيلو بروكلي طازج تقصصينه صغار صغار
كيس شوربة الهيليون من ماجي ينقع في 4 اكواب ماء بارد
فص ثوم
4 ملاعق كويكر
كوب حليب
فلفل اسود وملح

الطريقة:
يحمس الثوم مع قليل من الزيت ونضيف البروكلي المقطع
نضيف الكويكر الى الحمسة ثم الماجي مع الماء
وبعد ذلك نضع كوب الحليب مع ملعقة فلفل اسود وملح حسب الرغبة

يترك الخليط الى الغليان ثم نتركه لمدة نصف ساعة على نار هادئة وبالهناء والشفاء