جت الحزينه تفرح ملأتلهاش مطرح<<<صور

اتصل زوجي عليي بالليل وقال بروح اشتري غتر من المباركيه تروحين معااااي؟؟؟

طبعا قلت له انا جاهزه وفرصتي اليهال نايمين

مرني ورحت معاه وهو يمشي بسرعه وانا اركض وراه جنَي سيلانيته

واقوله شوي شوي وهو ولا معبرني اصلا

المهم واحنا نمشي عجبني شال هندي رخيص ب 5 دنانير

قلته ابيه قال للبايع تعطيني ب 4 رد البايع وقال لا

ومشى عني وانا خاطري فيه بعد عمري انا

المهم

وصلنا للمحل واشتري بالهبل اغراض

شوفو الاغراض

الى هنا الموضوع عااادي

اللي مو عادي ان بعد ما اشتري ودفع قالي شيلي الاغراض

قلت والله لو حياتي ومماتي اليوم على يديك

ما شلت كيس واحد

قال شيلي طيب نصهم اجل

قلت ولا حتى ربعهم

قال اشفيج اليوم؟

وقلت من متى اصلا انا اشيل اكياس وانت رجال طول بعرض ماشي جنبي

البايع مسكين يقوله بابا مو مشكله انا اشيل

هذه صورته

قال للبايع لا هي تشيل الاغراض شنو عندها ؟ما عندها شي

قلت اجل محتاج مني درس بحياتك ما تنساه مني

اخذتهم وتركت الاغراض بالشارع ومشيت

شوفوا

طبعا اضطر هو يشيلهم لا فوق هذا وذاك راح واشترى الشال

عشان ارضى

وقلت له و ربك واحد الحركه اللي سويتها محتاجه مني حوالي اسبوعين عشان انساها

<<<ما ادري ليش تذكرت موضوع وحده من الخوات بهاللحظه عن الاسد والدجاجه في قسم الحياة الزوجية

وهو رد عليي وقال وين التعاون بين الزوجين؟؟؟؟

قلت له لا تخلط الاوراق لك ولي حقوق وواجبات

اما شيله الاغراض انساها بالمره

قال ترى شريجتك وايد تساعدني بهالامور

قلت له عشان جذي كافأتها وتزوجتني عليها