جميع المشاركات في مسابقة كويتيات للأجمل سفره رمضانيه

ادام اني اول وحده ترد عليج بقولج نطريني شوي بس صورت نص مطلوب وباقي سفره

في نتظار شريكاتي للي راح يتنفسون معي

للرفع

يالله بنات

ناطرين مشاركاتكم

نبي يطلع الابداع

جارونه انا اول وحده تسجل بالمسابقه

1-سلطه بطاط
مقادير : بطاط – طماط – بقدونس – ليمون – نعناع ناشف – زيت زيتون – ملح

الطريقه
تقطعين البطاط قطع مربعات وطماط بعد وبقدونس تفرمينه وليمون تعصرينه ونعناع يكون ناشف
وتخلطينهم مع بعض وترشين ملح وزيت وتخلطينه وتحطينه بالصحن وبالعافيه عليج

2- سلطه جزيره
مقادير : بذنجان – بطاط – فلفل ملون بارد – خيار – طماط – ذره – فاصوليه حمره – ملح – روب – ولبن شوي – مايونيز-
اذا ما عندج مايونيز حطي ثوم وحده مهروسه مع الروب وخلطيها وقليل لبن

3- شوربه جوجو
مقادير : ذره – جزر – ملح شوي وفلفل حساب الرغبه – ماي-شوربة ماجي دجاج بالكريمه,

الطريقه : تحطين الجدر فيه 4 كوب ماي وبعدها بس يغلي حطي ضرف الشوربه وحركيه شوي شوي لمده5 دقايق وبعدها حطي الذره والجزر
ثم حركيه لمده5 دقايق اخر ورشي الملح والفلفل وغطي عليه شوي وثم طفيه بتكون ضبطت شوربها وحطيها بالصحن وبالعافيه

4- تبوله
مقادير : برغل – طماط – وبقدونس – ليمون – وزيت زيتون – ملح – وخس حساب الرغب

الطريقه : تغسلين البرغل عدل وثم تحطين فيه ليمون وزيت زيتون وملح وتخلينه علي ما تسوين طمام وبقدونس والخس تفرمينهم
ثم تخلطينهم وتضعين البرغل وتخلطينه بتكون ضبطت حييل وخلطيه وحطيه بالصحن وبالعافيه عليكم

5- خيار باللبن
المقادير : خيار مبشور – لبن – ثوم – نعناع ناشف – ملح

الطريقه : جيبي لبن وروب حساب ما تبين ويكون الثوم مدقوق وتخلطينه مع الخيار مبشور ورشيء عليه نعنان ناشف وملح وخلطيه وقدميه بصحن وبالعافيه

6- عيش مشخول
المقادير : عيش – سمن – وبهارات – وبصل – وماي

الطريقه :تضعين الماي ولمه يغلي حطي العيش وحركيه شوي
علي ما تكبر حبيباتها ثمن صفيه من الماي,بعدين تجيبين الجدر وتحطين سمنه وبصل وبهاراتج وتحمسين البصل زين بعدين تحطين العيش المشخول
علي البصل وتحركنه شويه وتحطين فوقه شويه ماي وسمن علي الوجه وتحطين هيل وزعفران وتغطينه لمدة ربع ساعه او نص ساعه
وبعدين تقومين بسكب الرز وبالعافيه

7- مرق لحم
القادير :لحم خروف بطاط – قرع – بذنجان – باميه – فلفل حار – معجون طمام -وملح وفلفل – بهارات مشكله

الطريقه : تقطعين البطاط وبذنجان لمربعات ثم تحطين القدر مضغوط تضعين فيه كل شيء وتسكرين عليه لمده ساعه ثمن تطفين علي ما تهدي
ومن بعدها فتحي القدر وتضعينه بالصحن او فوق العيش حساب رغبتج وبالعافيه

8-لوبياء
المقادير : زيت زيتون – ملح – كذبره – لوبياء – ثوم

الطريقه : تحطين لوبياء علي النار راح تتشرب المياء ثم حطي فوقها ثوم وملح والزيت وحركيه علي ما تصير مضبوطه ثمن حطين بالصحه وبالعافيه

9- عيش بزيلاء
المقادير : لحم – بزيلاء -عيش مصري – ماي – ملح – فلفل قليل وزيت او سمن

الطريقه : تخلطين الحم مع بزيلاء علي ما تضبط وتضعينه بروحه ثمن تجيبين عيش مصري وتضعين عليه ماي وقليل ملح وفلفل ثمن حركيه وحطي عليه بزيلاء بدون لحم
ثاني غطي عليه مثل العيش ومن بعدها تضعينه بصحن التقديم وتحطين بوسط العيش لحم وبزيلاء وبالعافيه عليكم

10- خبز صاج(رقاق)
المقادير : خبز – دجاج – بصل – ملح – فلفل – سماق – زيت دلال

الطريقه : تجيبين خبز من الجمعيه وتحمسين الدجاج بالزيت وبصل وتضيفين عليه ملح وفلفل وسماق
ثمن تقطعين الخبز لشكل مثلثات وتضعين فيه خليط الدجاج وتسكرين عليها ثمن تضعين الزيت للي كان
تحمسين فيه الدجاج فوقهم اذا خلاصتي الخبز وتضعينه في السخانه الاكل
ثمن تقدمينها وبالعافيه

==
1- جلي فراوله وكرز
المقادير : خليط الجلي – ماي

الطريقه : غلي الماي وافراغ ظرف الجلي فيه وتحريكه الي ان يذوب وبعد 5 دقائق تضعين كوب ماي بارد وتحركينه شويه
ومن ثم سكبه في الطبق الخاص به.

2- محلبيه
المقادير : حليب تمويل – ماي – نشاء – هيل وزعفران – ماي ورد

الطريقه: اقوم باذابة الحليب بالماء ومن ثمه اقوم بوضعه علي النار وتحريكه الي ان يبدا بالغليان وبعدها اضع عليه خليط النشاء الي كنت مذوبته
واحط الهيل والزفران وماان يجمد ازيله من علي النار واضع ماي الورد القليل ومن ثم اسكبه في الطبق الخاص به وبالهاناء والشفاء..

3- قطايف بالجوز
المقادير : قطايف من المخبز – جوز مبشور – وجوز الهندي
شيره مثل العسل > سكر وماي عشان الزين

الطريقه: اقوم بخلط الجوز والجوز المبشور ومن ثم احشي بهم القطايف وبعدهااغليها بالزيت
وماان تتحمر اشيلها وحطها بالقطر ومن ثم اضعها بالطبق التقديم,

4- بان كيك
المقادير : خليط كيك – كوب واحد ماي – ربع كوب زيت دلال -3 بيضات ,سكر مطحون للزينه.

الطريقه :اقوم بخلط المقادير جميعها ومن ثم اضعها بالمكنه واخرجها وازينها بالسكر المطحون واقدمها للجميع

5- زنود الست
تشترين زنود الست من الجمعيه تكون مجمده ثم انتي تغلينها بالزيت وثم شيليها وحطيها بالقطر من ثم اضعيها بالطبق التقديم

6- وكنافه قشط من بيت الجيران

ماشاء الله شيييييييييييييييييييييييييييي
عليكم بالعافية
جارونه حبيبتي ممكن اشارك او طافني؟؟

ماااشاء الله ام سلوم سفرة اتهبل عليكم بالعافية