بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ..
بنات شلون طريقة كف مريم … شريتهم بس ماني عارفة طريقتها ؟؟
وابي احسن كريمات استخدمتوها أو اي شي يخفف من عوار الجرح ويخليه يلتئم بسرعه ؟؟
وسؤالي الاخير .. عوار الطلق وين تحسون فيه ؟؟
بحمالي الاول حسيت بمغص قوي ورحت المستشفى دخلوني الولادة ..
بس دايما اسمع ان عوار الطلق يصير تحت وبالظهر فإذا ممكن تفيدوني 
السلام عليكم ..
بنات شلون طريقة كف مريم … شريتهم بس ماني عارفة طريقتها ؟؟
وابي احسن كريمات استخدمتوها أو اي شي يخفف من عوار الجرح ويخليه يلتئم بسرعه ؟؟
وسؤالي الاخير .. عوار الطلق وين تحسون فيه ؟؟
بحمالي الاول حسيت بمغص قوي ورحت المستشفى دخلوني الولادة ..
بس دايما اسمع ان عوار الطلق يصير تحت وبالظهر فإذا ممكن تفيدوني
حبيبتي اللي سمعته عن كف مريم … ان وانتي تولدين … احد يسويه لج .. هذي الرواية الاولى
يعني تكون مثل ورده مسكره … وبعدين مادري شنو يسووون وتفتح الورده
والروايه الثانيه … ان تنشرب …
____
بالنسبة للجرح … معروف احسن شي كريم ميبو
اول شي اهو زيت سمسم … يعني مافيه مواد كيماويه … وعجيييييييييييييب مريييييييييييييييييييح …
انا قبل اذا فيني التهاب خفيف احطه حددده يريح
واهو عموما يستخدمونه حق الوالده (حق الجرح) وحتى حق الحروووق
عجيب عجيب عجيب
وهم حطي ببطل زجاج … مره وماي … خليه يصير مركز … وكل مارحتي الحمام … حطي شوي بالابريق وانتي بكرامه وزيديه ماي وغسلي فيه المنطقة
ولي طلعتي نشفي المنطقة وحطي الميبو
____
بالنسبة للطلوق … بصراحه مادري لأني بجريه ..
بس اللي سمعته ان كل وحده تفرق عن الثانيه … واصلا كل حمال يفرق عن الحمال الثاني
…..
اممم قريت بموقع اجنبي ان من اعراض الولاده
ان تنزل سدادة عنق الرحم
او ينبط الماي وينزل عليج – بالحاله لازم بسرعه تروحين المستشفى علشان لا ينشف ماي راي البيبي
او ينزل دم … هالحالة لازم على طوووول المستشفى
او اييج عوار يمشي من الظهر ليييي البطن … هذا تنطرين لما يصير عالاقل كل 10 دقايق بعدين تروحين المستشفى
يعني مو لما اهو كل ساعه او نص ساعه ايي تروحين … لان بس راح ينومونج عالسرير
ومايفيدج هالشي
لما اييج عوار امشي وتحركي …
الله يسهل علينا يارب العالمين
الصراحه اول مرة اسمع عنه ؟
شي حلو 22
كف مريم عشبة تاخذينها من الحواي لما الوحدة تدش التاسع تساعدها بالولادة ..
بس ماني عارفة شلون طريقتها انشالله البنات يفيدونا
انا شربت منه شكثر بحمالي اللي فات وكان طلقي بااارد و الرحم مفتوح 3سم و الطلق خفيف وما سوالي شي ولدت بطلق صناعي لاني دشيت العاشر بيوم
اما الجرح فاحسن شي الميبو او الجفت اللي هو من العطار بس اذا ما تعرفينه لا تستخدمينه خليك على الميبو يكفي و يوفي
و الغسول الماي و المرة او الماي و الملح الخشن او مطهر سايتيل المخفف بالماي
اما الطلق انتي اكيد بجرك بنت لانه صارت معاي ببنتي مثل الم الدورة بالضبط بس مضاعف و بولدي كان العوار مثل السيف اللي يقص الظهر مع عوار الدورة
بجري ولد والعوار اللي حسيت فيه عوار مغص بطني من فوق تعورني لا حسيت بعوار تحت ولا بظهري ..
دونات ..
مشكورة حبيبتي عاد انا حطيت وردة وحدة بماي بارد وغليته واهي بالماي بعدين خليته لما يبرد وشربته ..
مادري اي طريقة احسن
اما الكريم ميبو ولا جربت غيره عطوني اياه المستشفى
والطلق الله يسلمج يقولون طلق الولد بالظهر وانا بحمالي
كله ظهري من دخلت شهري زاد اكثر وماقدر انام على ظهري
وبعدين عاد تحسين عوار بطن مثل الدوره
يعني الطلق عوار ظهر وبطن وكل وحده وشنو يحوشها
هههههه والله يعينه على الولاده
اب
اب
بجري ولد والعوار اللي حسيت فيه عوار مغص بطني من فوق تعورني لا حسيت بعوار تحت ولا بظهري ..
دونات ..
مشكورة حبيبتي عاد انا حطيت وردة وحدة بماي بارد وغليته واهي بالماي بعدين خليته لما يبرد وشربته ..
مادري اي طريقة احسن
مادري اتوقع نفس الشي انا الحواي قال لي على الطريقة اللي انا سويتها
بنات شلون طريقة كف مريم … شريتهم بس ماني عارفة طريقتها ؟؟
عشبة مريم تنقعينها بالماي وراح تلاحظين ان الاغاصان اللي فيها تتفتح ..
حبيبتي ان لما كنت اراجع عند دكتورتي قالت لي ان مايفيد اي شي تشربينة..
شربي اللي تشربينة ..وفعلا شربت ومافاد اي شي لان ه>ا امر من الله كن فيكون ..
يعني تساهيل من ربج..
وابي احسن كريمات استخدمتوها أو اي شي يخفف من عوار الجرح ويخليه يلتئم بسرعه ؟؟
كريم ميبو للجرح
وسؤالي الاخير .. عوار الطلق وين تحسون فيه ؟؟
الطلق اكيد تحسين فيه بعوار
بحمالي الاول حسيت بمغص قوي ورحت المستشفى دخلوني الولادة ..
لا انا دخلت قبل لايصير فيني عوار..
يعني حطولي طلق صناعي لاني مفتوحة بس مافي طلق
بس دايما اسمع ان عوار الطلق يصير تحت وبالظهر فإذا ممكن تفيدوني
كل شئ تساهيل ولاتسالين وايد كل وحدة تختلف عن الثانية اقري وادعي ربج وانشالله نشوفج قايمة بالسلامة ومعاج النونو