جم سعر عملية التجميل الخارجي للمنطقة الحساسة

السلام عليكم و رحمة الله و بركاته ,,

حبيباتي رغم الاحراج قررت اني اسوي عملية التجميل الخارجية للمنطقة الحساسة
والله يعدي هاللحظة على خير مادري شلون بسويها بس مضطرة حيل مو شوي

المنطقة الحساسة عندي مشوهه حيل حيل بسبب الالتهابات اللي كنت اعاني منها
وغيره مشاكل وايد هذا غير طول الشفرتين والترهلات .. هالشي محرج حيل

حتى وانا اكتب مشكلتي منحرجة منكم .. بس انشالله تفيدوني وماتخيبون ظني
ملجتي قريبه و مستحيه انا لا رحت المستشفى استحي اكشف المكان يوم كنت بعالج
شلون اذا تزوجت صراحة ماني متخيله الوضع فشله

ما لقيت حل غير التجميل الخارجي للشفرتين.. وبسأل اذا يشدون لي المنطقة لأنها مترهله شوي؟

و حابة اسألكم عن سعر عمليه التجميل الخارجي بجم يسوولي اياها ؟ ظروري ابي اعرف سعر العملية
وين تنصحوني اروح أي عيادة واي دكتورة .. ابي دكتورة ارتاح لها نفسيا قبل كل شي لاني وايد منحرجة شلون بكشف المنطقه

واذا رحت ابي اطلب العملية شنو اقول؟ >> لا تضحكون

اللي مو حابة تكتب تجربتها على العام لا تبخل علي بالخاص .. والافضل على العام عشان نفيد ونستفيد من بعض
وانشالله يارب كل وحدة تفيدني ربي يوفقها و يعطيها الصحة والعافيه والجمال والدين ويرزقها كل اللي فبالها يارب

بس للتوضيح : انا اقصد تجميل خارجي مو التضييق و مشكورين