بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
مرحباً. ابي كل وحدة فيكم زارت دول أوروبا.
وين راحت بالضبط وجم كلفتها السفرة من تذاكر وسكن وتسوق.
تكفون أفيدونا
أنا حاسبة أنا وزوجي ميزانية 2400 دينار لمدة أسبوعين
عاساس أسافر بإذن الله شهر 5. الجاي بإذن الله
هل تكفي اروح النمسا و ألمانيا
ولا بس تكفي لندن ولا دولة أوروبية ثانية
تكفون نبي مشاركات
مرحباً. ابي كل وحدة فيكم زارت دول أوروبا.
وين راحت بالضبط وجم كلفتها السفرة من تذاكر وسكن وتسوق.
تكفون أفيدونا
أنا حاسبة أنا وزوجي ميزانية 2400 دينار لمدة أسبوعين
عاساس أسافر بإذن الله شهر 5. الجاي بإذن الله
هل تكفي اروح النمسا و ألمانيا
ولا بس تكفي لندن ولا دولة أوروبية ثانية
تكفون نبي مشاركات
ياخبيرات السفر شاركونا
ياخبيرات السفر شاركونا
الان التذاكر والسكن لمدة اسبوعين سواء لندن او المانيا والنمسا بتكلف 2000
وبعدين الي يحدد اكثر سعر التذاكر اذا حصلتيها رخيصه تمام
والسكن ماراح تلقين اقل من 77 او 80 دينار لليله بالفندق الانج اكيد تبين مكان قريب من كل شي
بالنسبه حق المصروف موبس الاكل راح يكون عندج مواصلات مثلا اذا تبين النمسا والمانيا
لازم تزلين فيينا وبعدين بالقطار الى زيلامسي وبعدين ميونخ هم بالقطار
واذا بتاجرين سياره هم مكلف
انتي فكري واذا قدرتي تزيدين الميزانيه انا مستعده اساعدج في فنادق حلوه واسعاره زينه بالنسبه حق المانيا والنمسا او اذا بتروحين لندن
بالتوفيق
اكيد بتروحين رحلات وتكاسي واكل ومشترى انا رحت الامارات قعدت ثمان ايام كلفتني اربع الاف دينار مع التشري
اسعار الفنادق والتذاكر تفرق على حسب الموسم انتي اول قرري وين بتروحين ومتى وشوفي اسعار الفنادق و التذاكر وجوفي بعدين اشكثر انتي ناوية تصرفين هناك حق اكل وشرب ومواصلات
1200 دينار تذاكر + اقامة + افطار
1400 دينار مصرف ومطاعم ومو ناوية اشتري من هناك اﻻ خفايف ﻻن اهم شي وناستي مو اتشرى
يعني تهقون 1400 دينار ماتكفي اكل ومواصﻻت وتشري
1200 دينار تذاكر + اقامة + افطار
1400 دينار مصرف ومطاعم ومو ناوية اشتري من هناك اﻻ خفايف ﻻن اهم شي وناستي مو اتشرى
يعني تهقون 1400 دينار ماتكفي اكل ومواصﻻت وتشري
وتقول قطت 1300 دينار ﻻن كان حزة تنزيﻻت مع اكل ومواصﻻت بس تقول احتياط خلي ميزانيتج 3000 دينار
انا عندي 2600 دينار قابلة للزيادة توصل 3 اﻻف
ممكن ان لندن مثﻻ تكفي 3 اﻻف اسبوعين
يعني قولو 1300 دبنار تذاكر و 1400 دينار مصرف
ﻻن انا بحجز تذكرة مع اقامة مع افطار
ناوية اروح مع قروبات
وشرايكم سفريات الدبوس
وتقول قطت 1300 دينار ﻻن كان حزة تنزيﻻت مع اكل ومواصﻻت بس تقول احتياط خلي ميزانيتج 3000 دينار
انا عندي 2600 دينار قابلة للزيادة توصل 3 اﻻف
ممكن ان لندن مثﻻ تكفي 3 اﻻف اسبوعين
يعني قولو 1300 دبنار تذاكر و 1400 دينار مصرف
ﻻن انا بحجز تذكرة مع اقامة مع افطار
ناوية اروح مع قروبات
وشرايكم سفريات الدبوس
يعني التذاكر والسكن مالهم سعر ثابت من 1000 لي 2018 انتي وحظج ومستوى الفنادق اللي تبينها وقربها من الاماكن
والصرف مواصلات هم حسب صرفج اللي تبي سيارة خاصة غير عن اللي تبي مواصلات عامة واللي تاكل مطاعم سريعة غير عن المطاعم العادية
انتي سيدة نفسج يا حبيبتي في ناس تروح بمبلغج وتستانس وفي ناس تروح دبلات مبلغج وماتستانس حسب طبيعتج وترى 3 آلاف حلوين بدون تسوق
روحي استانسي ولا تحاتين بس اذا سفرتج فبراير ماينفعج لا النمسا ولا ألمانيا عندح ايطاليا واسبانيا اضبط شي لج
8 ايام
3700 تذاكر وفندق ومصرف وسوق
وتسوق كان معقول لا شوي ولا وايد
بس قللي المدة اسبوعين وايد
خليهم 10 ايام
او 12 بالكثير
لندن اذا تبين فندق بوسط السوق ب 80 او 90 ليلته على حسب وشهر 5 ارخص اتوقع
يمكن تلقينه ب 65 او 70
اللي اهم ثيستل و كمبرلاند احسن فندقين بالنسبة للمكان الصراحه
تبين بالباص 10 دقاييق لما السوق بتحصلين ارخص بوايد يعني 50 الليله
المانيا مو غاليه فنادقها اذكر بالعيد راييحين ميونخ بوسط الشارع ب55 ميرديان اخذته
زلمسي فندق قراند عالبحيره غالي
ب100 ليلته اخذناهااا
عطيتج فكره عالفنادق
الصرف انتي و نظامج
انا ما اصرف بالهبل وما اشتري ماركات ف ما فرق وياي
يعني يكفون لج 10 ايام لندن هالفلوووس
و تكفي لندن بس لندن اللي تلعب بالميزانيه الشوبنق
خلي رحلتج راحه واستجمام و تغيير عن الروتين وراح تستانسين انا ريلي نوعه مو اي اكل ياكله ولا اي مطعم يدخله انا عادي عندي بس هو لا فكنا ندخل مطاعم و كافيهات حلوه مدلعين نفسنا و اماكن سياحيه وتمشي و السوق اخر شي مو هدفي بالسفره مع ريلي اهم شي نستانس و نغير جو
قرري و توكلي على الله