جهزتي خلاص للولاده؟ او توج والده؟ اشلون اترتبين اغراض البيبي؟؟؟؟؟

انا عن نفسي ما انام بالصاله وانفاسي يكون في غرفتي في بيت اهلي اخلي يمي سرير البيبي وعلى طاولة كبيرة احط المميات المعقمة مع الحليب ومطارت الماي المغلي بس تكون مبرده يعني غاليه الماي وبعدين مبردته لي درجة اني بس اسوي الحليب ما اقعد اقيس حرارة الماي لان بالنفاس الياهل يقوم كل ساعتين وساعات تكونين نايمه او تعبانه فما تركزين بالماي عشان جذي اخلي الماي الي عندي حرارته معتدله حق الرضعة.

الشغلة الثانيه انه ملابس البيبي اجهزهم بحيث اني احط بكيس ملابس داخليه الي تتسكر من عند الحفاظه واوفر اول مع كبوس ودسوس حق الايد ومهاد مع بعض واسوي جذي حق كل الهدوم الي عندي واحطم بالدرج او بالكبت الي احط فيه ملابس البيبي بحيث اني اسحب كيس كل ما احتجت اغير للبيبي

وحق تبديل البيبي عندج الستاند تلقينه في مذركير او سنتر بويت ايي من فوق بلاستيك ومحشي بسفنج وتحته حوض السباحة "بيبي باث" وايد مريح حق تغير الحفاظ لانج تكوني وقتها مخيطة فصعب عليج القعده على السرير وانتي تغيرين حق البيبي .. فالي اسويه اني احط فوطة حق البلاستيك و اغير عليه حفاظ البيبي وتحته تيكون فيه درج تصفين فيه الحفاظات اليديده وكريم الحفاظات والقطن ..

طبعا لما اغير حق البيبي تكون يمي فوطة ثانيه عشان امسح له فيها .. والشغلة الثانيه لما اغير له ما ادخلة الحمام وانتو بكرامه وتتبلل اهدومة ماي .. تكون عندي باديه احط فيها ماي فاتر وانظف له بقطن واغير الحفاظه وتحصلون في مذركير زباله بس حق الحفاظات عقب ماتخلصين تحطين الحفاظة الوصخة بالزباله وتلفينها بطريقه معينه وتتسكر عليها بكيس عشان ما تنتشر الريحة عندج وهذي اريح طريقة خاصة اذا كان تغير الحفاظ بالليل والخدم نايمين ومحد يقدر يقط الحفاظة بره اب هالليل متعقده من الريحة )

اتمنى اني اكون فدتكم

اما المميات ومطاره الماي الحاي يمي على الكوميدينه

و الثاني ملابس عاديه و داخلية و بجامات يترتيب معين ليلحين معتمده عليه و عمر بنتي سنتين و نص
و اللي تحت دلاغات و بنطلونات و جاكيتات
و اللي تحت فوط و صدريات و كنابل

وبس هذي اغراضي لاني ارضع طبيعي و كلشي مرتب و حلو
و الكبت الصغير كان بغرفتي النوم مع فراش البيبي نفس اللون
و بعد ٥ شهور وديتها غرفتها بروحها بالليل بس الباب مفتوح و فيه كبت ثاني كبير حق الاغراض الكبيره و البدل و النفانيف و الجواتي و اغراض كلها