حبيباتي يعطيكم العافيه على وقفتكم معاي أنا (وأخيراتطلقت .) بس بغيتكم بشغله .

لا ما يقدر حتى لو رفع القاضي راح يرفض طلبه

انا توني اقرى قصتج الاولى .. يما موتيني من الحره قعدت اغلي من داخلي انتي شنو شلون تسكتين يطقج و يقطج بالحمام و ترديله
المفروض ما تروحين عند اهلج المفروض تروحين المخفر ترفعين قضيه ..

والحين تقوليلي ياخذ بنتج ( ياكل تبن ) << والله العظيم من الحره
انتي تروحين عند القاضي و تطالبين في النفقه تشرشحييييييييينه و تنتفينه تخلين ما عنده و لا قلس حق بنت اللذين الي يعرفها
شفتي الشقه الي قاعده فيها عند اخوج ( يدفع اجارها غصبا عليه )
و يدفع نفقه للبنت ( غصبا عليه )
و نفقه حاضن هذي حقج ( غصبا عليه )
و نفقه خادم يعني معاش الخادمه ( غصبا عليه )
و لما بنتج تصير في المدرسه اذا انتي ما تسوقين يحط سايق ( غصبا عليه )
و بعد حبيبتي اذا فكرتي تتزوجين مره ثانيه كل هالاشياء مع حضانة بنتج تتنتقل حق امج .. يعني حتى لو تزوجتي ما يقدر ياخذ البنت

و لا تحريني و تموتيني من القهر اكثر من جذي بس حرقتي قلبي حرام عليج .. معقوووووووووووووووله ما تعرفين حقوقج @@
و لا تقوليلي ما ارفع قضيه و الا امي مو راضيه و لا عندنا ما يصير
ما في شي اسمه ما يصير و اخوج اذا اليوم سكنج بلاش باجر زوجته تقعد تنقز عليج و الا اهوا يحتاج للاجار بلا ما تضقين عليه .. خلي هذاك الي مسوي فيها ريال و يطق و يكفخ يدفع الاجار و اهوا خووووووش واحد و بستقطاع من معاشه غصبا عليه

و سمعي اكلمج جد اذا ما رفعتي القضيه بروح انا ارفعها بدالج لان صج صج حريتيني ( و خايفه لا ياخذ بنتها بعد )
اذا محتاجه اي شي او اي تفاصيل كلميني على الخاص بحاول اساعدج ..

الحين عقب ما طلعت الي في قلبي ..
بقولج انتي انسانه وايد صبرتي و صج مثاليه و طيبه و مافي مثلج بهذا الزمن و يارب يعوضج خير و يارب ياجرج بمصيبتج و يصبر قلبج ..
الحمدالله انج افتكيتي منه .. و الحين عيشي حياتج و حاولي تنسين الي صار ( عقب ما تنتفينه و تاخذين نص معاشه مثل ما قتلج )

ان شاءالله ما يقدر..

على حسب مذهبج اذا سنى لو ينقز ماياخذها لاكن الشيعى ياخذها

لالالالالالالالالالالالالا
مايقدر ياخذها الله ياخذه

حتى لو تتزوجيييييييين امج تصير مكانج ماعندج ام اختج ماعندج اخت خالتج يعنى بعييييييييييييييييد على ياخذها مو بكيفه

لاحول ولاقوه الابالله

ماايقدر…

ما يقدر ياخذها لو اتزوجين ما ياخذها تصير بحضانة اهلج
يعني يحلم ياخذها وما اتوقع يفكر ياخذها ما عنده قلب هذا