حديقة الشعب الترفيهية(صور+تعليق)

شرايكم اليوم نروح حق معلم من معالم الترفيه في الكويت ؟
يقولكم وانتوا ماشين على خط البحر صوب منطقة الشعب تشوف على يمينك وانت رايح السالميه

حديقة الشعب الترفيهيه

هذي حديقة الشعب من بره قبل لاتدش ^_^
هذا المكان صارلي عقد من الزمان تقريبا مو رايحله فذاك اليوم طرت على بالنا فكره انا وشخص عزيز ان نذهب في رحله الى هناك
نعيد ايام الطفوله والشباب والصبا والايام الحلوه فدشينا … طبعا الأشخاص اللي مايعرفون المكان ومن زمان مو داشينه مثلي راح يتوهقون
اول مايدخلون … فأول ماييت بقص تذكره جان يقولي مال التذاكر عندك رصيد ؟؟؟ انا هني طقتني البوهه قلت شفيه الحبيب عسى ماشر يسأل عن الرصيد ؟؟

عسى ماشر يبا شكو الرصيد بالموضوع ؟؟ جان يقولي كرتك جم فيه ؟؟ ها ؟؟ وانت شكو جم فيه مافيه شعليك من تلفوني ؟؟ جان يقول لا اقصد كرت المنتزه جم فيه؟؟
اثاري مسوين بطاقات تعبئه حق الحديقه واحنا ماندري لا ويقولي جم تبي بو خمسه بو دينار نص اللي تبي قول لووووول انزين بالله بعدين خلص الرصيد شلون تنتهي البطاقه؟

المهم سوالنا كرت يديد وحط فيه جم دينار ودشينا عشان انعيد ايام الصبا ^_^

واحنا تونا داشين وقاعدين نحوس جان انشوف هاللافته

ترى اللي يشوف هالتحذير اعتقد يومها ماراح يقرب من اللعبه كلش ملش على هالتهديد اهم شي نهائيا … انزين ليش معصبين عاد ؟؟ خلاص محد راح يركب نهائيا لاتزعلون

وقعدنا نمشي ونمشي بنشوف شفيها مافيها …

جسر معلق بالسما بس مو مرتفع وفيه جم عربانه تفتر على الحديد .. انزين وبعدين ؟؟ مادري شنو الحكمه والوناسه اللي فيه الصراحه
خنشوف غيره

شنو قاعدين بمصر ؟؟؟ يبيله عاد مصر وحنطور تالي الليل وفيه مسجل يفر مخك فيه سواق الحنطور يعني يكون مركبلك سيستم هاي فاي ومادري شنو وتفتر بشوارع القاهره والأغنيه حد امها داثره من سنة الطواعين
اللي بعدوا

اتكمل طريجك وتمشي وتمشي في امان الله وتشوف صندوق معلق بالطوفه @@ هذا شسالفته شفيه ؟؟ خل انطر واشوف لما يفتح شنو راح نلاقي داخله ^_^

V
V
V
شرايكم بعد ننطر نتفه ؟؟
V
V
يالله بس خلاص كاهو فتح

يمااااااااي أخاف اخترعنا من صج عاد … مادري من وين ملقطين هالعظام وحاطينهم داخل هالصندوق احنا قلنا الحين بنلاقي كنز والا شي مني مناك اثاري ماكو الا عظام عنز
بس اهم مافي الصوره جيكوا على السهم وشوفوا شنو موجود ههههههه فوطه … شكو الفوطه يعني ذابحه الحر واهوه داخل الصندوق ؟؟ خو كله عظم

خنشوف اللعبه القادمه واسمها ثقة

اخاف صج بس ثقه ؟؟ هذي سلمكم الله يلفونكم بحبال وحديد ويقولوكم صعدوا وتسلقوا هالحديد انزين لما ييت بركب جان يقولي بس الدور الأول تصعد هائاااو … آآآآطع تزكره عشان اركب بس الدور الأول ؟؟ استريـــــــح عاد

هذي لعبه اسمها نهر الشعب على ماظن كان ودي اركبها بس حسافه ماكان معاي لبس البحر

هذا حبيب الشعب اسمه لووووووول لاتصدقون يبا لاحبيب ولابطيخ كل ماهنالك من تمر صوبه يمسك هالكور اللي بيده يعني بيسويلك اغراءات ويقعد يحذف هالبطول بيطيحهم ولما تصير الصجيه تعال طيحهم عاد ^_^

نكمل طريجنا ونشوف محل على كتر … والا يبيع فيه حيوانات بريه ومائيه وبرمائيه … حشا مدرعات حربيه مو حيوانات .. عزكم الله