حرام تكسر الخاطر ساعدوها

مرحبا ابلاتنا الحبيبات

شخباركم

ادري ان هالقسم كله طلبات مساعدة وانتوا مو ناقصين

لكن والله هذي مشكله بنت خالتي…….

فقيره هالكورس ان شاءالله تتخرج……..واهي تربيه عملية ابتدائي (علوم)

مشكلتها او بالاحرى مشاكلها اللي اتمنى انكم تساعدونها وتعطونها من خبرتكم وافكاركم:

• القسم اللي اهي فيه كلللللللش مو متعاون…..واساسا عندهم نقص بالمدرسات …..ومحد فاضي ينصحها او يساعدها بافكار……يادوب يعطون حصصهم ويكملون باجي شغلهم
• مشرفتها حددددددها شديدة ومايعجبها العجب…….وتبي افكار وابداع……مع ان بنت خالتي قاعده تبذل قصارى جهدها لكن ماكو تقدير
• ساعات تاخذ التحضير من المدرسات اخر الدوام حق باجر……واهي مسكينه مايمديها تحضر وتشتري وسايل او تقعد تتفنتق بالافكار بيوم وليلة……ومع هذا المشرفه ماتراعيها ولا تعذرها
  واحنا قريباتها للاسف ولا وحدة فينا مدرسه او عندها خبره بهالمجال

والله يا انها تكسر الخاطر……ليما نتصل عليها بس تبجي…….حرام نفسيتها رااااااااحت فيها
اصلا حتى الزواره ماقامت تزور بسبة الميداني………تقول بقعد على النت ادور لي شغلات يمكن تنفعني

ومسكينه ولاتحصل اللي تبيه

والمشكله ان على حظها…..رفيجاتها اللي معاها ماسكين صفوف غير صفوفها
فأفكارهم غير عنها…….حتى وسايلهم
يعني اهي من قلب متوهقه……….
مسكينه فلوسها كلها حارقتها بدسمان …………لا وتسولف لنا…….انها مره من المرات مابقى حيوان لعبه مو شاريته حق درسها…….وبكميات عشان توزعهم على مجموعات…..

يوم راحت من باجر والا المدرسة الاساسية شارحه الدرس بدون لاتقول لها

حرام ماتت من البجي………..ويتها فتره قالت خلاص بسحب من الكورس

لان خايفه على معدلها لاينخسف……..واحنا نحاول نصبرها
ونقول لها كلها جم يوم وتفتكين……

ادري قرقت وايد……….بس والله تكسبون اجر في هالمسكينه
اذا انتي مدرسه او تعرفين وحدة بهالمجال

او كلش كلش مكاتب فيها شغلات حلوة او يسوون بوربوينت

او اي اقتراح تحسين انه راح يساعدها

ويزاكم الله كل خير

المواضيع المتشابهه:

• ط§ظ…ط±ط£ط© ط³ظ…ظٹظ†ط© ظˆطµط§ط±طھ ط±ط´ظٹظ‚ط© ظ…ط±ط§ط­ظ„ ط¶ط¹ظپظ‡ط§ ط¨ط§ظ„طµظˆط± ظ„ط§ ظٹط·ظˆظپظƒظ… ((ط­ظٹط§ظƒظ… ط§ظ„ظ„ظ‡))
• ظ…ظ„ظپ ظ„ط§ط·ط¨ط§ظ‚ ط§ظ„ط­ظ…ظٹظ‡ ,,ظ…ظ‚ط¨ظ„ط§طھ,ط³ظ†ط¯ظˆظٹطھط´ط§طھ,ظ„ط­ظˆظ…,ظˆط¬ط¨ط§طھ ظ„ظ„ط§ظپط·ط§ط±, ظˆط¬ط¨ط§طھ ظ„ظ„ط§ط·ظپط§ظ„ , ظˆظˆظˆظˆ,,,
• ط£ظپط¶ظ„ ط±ط¬ظٹظ… (طµط­ظٹ) ظˆظ…ط§طھظ…ظ„ظٹظ† ظ…ظ†ظ‡ ط·ظˆظ„ ط¹ظ…ط±ط¬
• ط£ط·ط¹ظ…ط© ظ…ظ†ط®ظپط¶ط© ط§ظ„ط³ط¹ط±ط§طھ ط§ظ„ط­ط±ط§ط±ظٹط©