.حسبي الله ونعم الوكيل على السستر ديروا بالكم

مرحبااااااااا ملاااااااايين

شلونكم بنااااات طبعااا موضوعي ماحطيته فشة خلق حطيته عشااان تنتبهووووون من دكااااترة الحكومه والخااااص والسسترات

قصتي بدت الاسبوع اللي طااف بنتي بدت تكحكح ونشكه وتعاااطس قلت عادي عمرهااا يارب يخليها لي كان 36 يوم
وديتها حق محمد سعيد قالي بنتج عندهااا مشكله بالحنجره ارتخاااء ولازم تنتبهين لها وقال لي لونها موزين يمكن من الكورتيزون اللي كنتي تاخذينه وانتي حامل فيهاا وعطاني مضاد حيوي وشراب كحه وقطرة خشم
المهم استمريت عليه ثلاث ايام بنتي صارت من اردى لأردى يوم السبت اللي طاف قامت تكح حيل حيل ورجعت بلغم بس الكحه اللي مو قادره تاخذ نسم المهم عقبها بساعتين دقيت على زوجي قلت له بودي جوجو الطبيب تعبانه بس كان وضعها طبيعي راح خذا لنا رقم عشان ماننطر دور وجا خذانا
المهم وصلنا مستشفى الفروانيه ونزلنا والله يابنااات كان زحمه زحمه كأن الكويت كلها مرضى
المهم نطرت خمس دقايق قاعده اطلع بنتي احس لونها مو طبيعي قلت حق زوجي وانا امسح على خدها تصدق لونها صح مثل ماقال الدكتور محمد سعيد مو زي….ماكملت اشوف البنت زررررررررررررررررقه رحت اركض دخلت على الدكتور وانا منهااااااااااااااره ورجولي مو شايلتني
الدكتووور اول ماشافهااا ركض اهو والسسترات حق غرفه الانعاااش وانا وزوجي نركض وراهم والله رجولي مو شايلتي
دخلوها واحنا معاها ودخلوا هوز بحنجرتهااا وخشمها وبدوا يشفطون ويدك صدرها وانا بالمووووووت ماسكه نفسي وزوجي خايف علي وعلى بنتي وكل شوي يقولي فلانه قعدي اقولج اقعدي لاتطيحين واول مادق تلفوووني قالي عمتي اللي اهي امي جااان ارد اقولهااا بنبره وصوت وبجي اول مره بحياتي ابجيه يمه لحقوني بنتي بنتي وحفت التلفون لان بهاللحظه بنتي ردت تعبت والدكتور يطقطقهااا ويقلبهاااا وصلت امي وابوي بسرعه وكانت الساعه 3 الفجر وبنتي حالتها استقرت وقال الدكتور احنا لحقناها على اخر لحظه انا هنيه انهرت الحمد لله على كل حال جتنا دكتوره من العنايه المركزه قالت اهي دخول الحين والعنايه فل ماكو مجال ندخل اي حاله بنسوي لها اشعه الحين سوو لها اشعه وانا مو قادره امشي امي اللي راحت معاها وانا وراهم بس يالله اتحرك
مالكم بالطواله طلع معاها التهاب فايروسي بالرئه اليسار والمضاد الحيوي اللي خذته اهو اللي زادها لان الفايرس مايناسه المضاد الحيوي
المهم الاجنحه تستقبل حالات العنايه بنتي وقفوا لها المضاد فورا من دخلت وبدوا يعطونها كمام وابره كورتيزون بس وركزوووووااااااا على كلمة بس
المهم بدت حالتها تتحسن المكان ضيج بس الكااتره ممتازين ومريحين ويشرحون بظمير
بعد اربع ايام جت السستر هنديه الضحى بعد مرور الدكاااتره وعطت بنتي ابرة الكورتيزون والكمام ودوا مضاد حيوي
انا استغربت قلت لها سستر هذا شنو قالت انتي بيوتك قلت لها نتيجه المزرعه طلعت قالت اي قلت منو كتب لها اياه قالت دكتور نبيل قلت لها دكتور نبيل ماشفناه اليوم قالت اي قاله لنا
انا قلبي نغزني رحت حق سستر كوييتيه قلت لها السستر تقول ان دكتور نبيل قايل ناخذ مضاد قالت اي قلت لها عفيه سستر شوفي لي شنو نتيجه التحليل دورت بالفايل قالت اي طلعت واهي نفسها شينه قلت لها شنو النتيجه قالت ما اقولج
المهم قلت لها ابي دكتور حقرتني واشوف وضع السسترات مو اوكيه رحت اطلع حق بنتي غرفه خصوصي وانا راده لقيت السستر الكويتيه عند امي تقول لها نسي المضاد الحيوي انسيه لانه جرعه وقائيه والدكتور قاله شفويا ؟؟؟؟!!!!!!
انا بلمت قعد شوي حتى ماسويت اوراق الغرفه الخصوصي رحت مره ثانيه للسستر قلت لها شلون قاله شفويا قالت عادي شفويا قلت بس اهو مامرنا قالت اي قرى الملف عندنا وقال عطوها مضاد
وقلبي قارصني
المهم قلت لها ابي دكتور قالت شوي يجي طلبناه
المهم سارت الساعه ثلاث طلعت من العمومي انطر ينقلونا لغرفتنا الخاصه
وكان انتهاء الشفت
لقيت السستر الكويتيه اللي كلمتها تكلم سستر بعد كويتيه ثانيه واطالعني جان تلتفت الثانيه علي المهم راحت انقلونا اغرفتنا
وقلت لسستر ابي دكتور قالت شوي يجي اهم طالبينه لج شنو تبين فيه
قلت لها ابيه وراحت بليل ما قدرت اتحمل رحت شخطت السسترات وين الدكتور قالت انتي ماطلبتيه انا انجنت قلت انا ماطلبته طبعااا بنتي حراراتها ارتفعت وماكان فيها حراره
قالوا ليش معصبه انتي مو طالبه دكتور
المهم طلبوها عشر دقايق وصلت قلت لها السالفه انهم عطوا بنتي مضاد شنو نتيجه المزرعه بنتي فيها شي؟؟؟
قالت لحظه وقعدة تدور بالفايل قالت ماكو ماوصلت النتيجه سألت السسترات قالوا ماوصلت والسستر الكويتيه تخزني خز
المهم قلت لها ليش عطوها مضاد طبعا هذي دكتوره العنايه المركزه اهي اللي دخلتها
قالت شنو مضاد انا موقفته مستحيل يكون مضاد يمكن انتي غلطانه قلت لها مو غلطانه والسرنجه اللي فيها الدوا ماقطيتها واسم الدوا امكسلين قالت اي هذا مضاد هذا يزيد بنتج شلون مستحيل قلت لها والله قالت مصدقه بس انا مستغربه من سالفه قاله شفويا احنا هنيه بالمستشفى ماعمرنا قلنا شي شفويا ودكتور نبيل ماداوم شلون قال وزفت السسترات قالوا لي احنا مالنا شغل قلت لامو هذيلي انا اعرف اشكالهم دورت بنوت السسترات لقت انهم كاتبين انهم عطوها كورتيزون وكمام بس مو ذاكرين المضاد ابد قالت هنيه يبين انهم غلطانين
قالت بشوف البنت شافتها وعطتها تحميله عشان الحراره وقات لي الجرعه اللي عطوها كبيره بس لاتخافين ان شاء الله ماكو الا العافيه بس لاتخلينهم احمدي ربج مو دوا صرع والا دوا خطر
انا قمت اغلي انطر الصبح يطلع
ميته ميته من الحره الصبح رحت على الشفت الثانيه مالقيت السسترتين والا ما ادري شنو كنت راح اسوي فيهم طلعوا بهذا اليوم اف ماعندهم دوام
قلت ابي المترو اللي اهي مسؤله النيرسات اللي تلبس كحلي كويتيه الله يوفقها
قالوا ليش في شي احنا سوينا شي هذا الشفت الصبح مايدرون شنو الطبخه
قلت لا ابي المتروا قالوا تلقينها بمكتبها برا الجناح رحت مكتبها لقيته مسكر
دورتها فوق عند رئسيتهم ولقيت كل المتروات المسؤلات وحاشني عقر بقر ماعرفت اتكلم من الحره وازهب الكلام دول اللي وجذيه قمت اتأتأ
قلت لها معطين بنتي دوا غلط ويتسترون حتى ما تأسفوا وجابوا لها دكتور يشوفها قبل لايصير فيها شي حشا مو سسترات عصابه
المهم قالت لي روحي الجناح وانا اشوف الموضوع
جتني تحت قالي لي تحققنا من الموضوع طلع هذا خطأ منهم وطلبناهم والحين جايين يكتبون تقرير ويتحولون تحقيق هذا من جهتنا وانتي روحي للمدير وبعد اشتكي قلت لا بس انا يكفيني فيهم تحقيق

استهزاز واستغال والله خفت على بنتي اللي تسوي جذيه تسوي اكثر مو القصه بالخطا الطبي القصه بأنها خايفه على نفسها مو خايفه على البيبي اللي عمرها 42 يوم حسبي الله عليهم
وطلعت بنتي خفت يسون فيها شي