بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
ابلات عندكم المشرفة تقول ان الموجهة بتيي حق مدرسات معينات والباجي طاف ؟
شرايكم ؟ شنو سويتوا ؟
السلام عليكم
ابلات عندكم المشرفة تقول ان الموجهة بتيي حق مدرسات معينات والباجي طاف ؟
شرايكم ؟ شنو سويتوا ؟
وبعد حتى الدخول الاسبوعي تعلمها متى بتدش لها ومتى الناظرة بتدش لها شرايج بعد
ومرات يصرفون المكملة ويقعدون يسولفون
عاااااااااااااااااادي ياما حتشوفي بس حيروحوا من ربنا فين ؟
منهم لله
وازيدج من الشعر بيت في نااااااااااس ينسمون vip مااتدشلهم الا اركاااااااااااااااان عشان مايتعبون نفسهم والطلعاااااااات والرووحات محد يحاجيهم لانهم قااايمين بشغل الناضرة بدونهم الناظرة تضيع يعني مصالح عشان جذي ماتحاسبهم ……………………………
واذا انتي مو من هالفئة يدخلونها اذا بغوج غصب حتى لودرسج يلوع الجبد ومايتقدم عدل وجامد تعالي عااااااااد شوفي النقد والمصخرة ………….
واللة مجتمع الحرييييييييييييييييييييييم خااااااااايس اسمحولي على هالكلمة كلة نفاااق ومصخرة والي مالها لساااااااااااان ولاتترزز تضيييييييييييييييييييييييييييييييييييييييع ويركبون على راسها ويمشون فيها الطوف ………………………..
خليها على اللة انا عن نفسي اشتغل لربي وبس والبااااااقي مايهمني
من ناحية الزين والشين .. موجود بالحريم والرياييل شوفي مسخره الحكومة والمجلس كله مصالح دمروا الديرة حسبي الله على اللي مسوي جذي ؟
وحتى أخوي بوظيفته في الوزارة اختلاط .. بلاوي تشيب الراس سواء رياييل او حريم ماكو فرق
لكن على اللي قلتيه .. الله يستر
تقول لهم قبلها بأسبوع بعد .. وتساعدهم على الدرس .. وترفعهم جدام الموجهه والحيااااة ماشيه
تم تعديل العنوان
لاحبتك عيني ماضامك الدهررررررررررررر
بس كل شي بحسابه عند رب العالمين وعلى بالج ماتتحاسب على انها تعلم ناس وتساعدهم وناس ضاربه فيهم عرض الحيط مثل مايقولون !!
اهي المشرفه مسؤؤله عن الكل والتفرقه مرفوووضه واكيد عشان مصالحها الخاصه وهدايا المدرسات لها تعلمهم عن الموجهه متى بتحضر
واااااااااااااااا أسفااااااااااااااااااااااه لووول
مشكل كبير مشكل كبير .. الله كريم الله كريم
ياليت يخافن الله بالكل والجميع
لا بزيدج من الشعر بيت على قولة الاخت
اللجان والكراف
التوب لربيعهم والأي شي والكراف للي طايح وجيههم مثلنا
والرزة بالندوات والتجمعات لهم
والدورات لهم
والسنع لهم
واحنا كخه مالت علينا مايبونا
والله انا وكلت فيهم رب الكون وهو قادر ياخذ حقي منهن
تعبت من ضياع حقي
ورب الكون كفيل بأرجاعه
يويلهن من الله وبس هذا الي اقوله
والله لاموجهة تنفعهن
ولامدرسة فلانة رفيجتها تنفعها يوم الدين
مير شنقووووووووووول ناس غارتها الكراسي وعبالهم بتدوم لهم
ناس تناديهم المشرفه بمكتبها تعالي وقعي على حضور الحركيه
زين بعد ما توقع بدالها
والله غير الناظرات اللي معيشين ناااااااااااااااس بنعيم وناااااااااااس بجحيم
بس كله مايضيع عند رب العالمين
وعذرها مقبول عند الناظره ويرفعولها عند الموجهه وماتدخل عليها الموجهه الا بكلمه او عدد الاخطواتها سهله ومافيها نقد واجد
والطلعات حدث ولاحرج وكل شوي رايحه للاداره ومخليه زميلتها تمسك الصف بروحها بحجة الناظره تبيني ومن أمن العقوبه أساء الادب
هذي نماذج وفيه اكثر وصدقيني مايحس الا اللي يشتغل ويتعب ويراعي ضميره في مهنته واللي ساعد الاشكال هذي على الظهور هو تسيب الناظرات وتساهلهن معاهن لتخليص اشغالهن بتشوفين اكثر واكثر دام الاساس غلط راعي الله في عملك علشان بركة المعاش
المميزة لازم تكون مميزة بكل شى وناس تستاهل ينقالهم وناس مستهتره تدش عليها فجاه
انا اشوف انه من حقها وعلى كيفها المشرفه
لانه اصابعج مو سوا
وفيه ناس قمة الاستهتار
وفيه ناس قمة الانضباط
وانا لو مكان المشرفه
انادى ابلاتى الزينات المنضبطات واعلمهم ومن حقهم مكافاه لانظباطهم
اما المستهتره اللى شالعه قلبى ولا والله خلها تدش عليها فجاه تشوف استهتارها يمكن ينصلح حالها