حملة الدعاء لولدي بالشفاء العاجل ,, تكفووون دشـــوا

السلام عليكم ورحمة الله وبركاته ,,

ربي لا تكلني إلى أحد ..ولا تحوجني إلى أحد ..وأغنني عن كل أحد..يامن إليه المستند من الضلال وعليه المعتمد .. وهو الواحد الفرد الصمد لاشريك له ولا ولد ..خذ بيدي إلى الرشد ..ونجني من كل ضيق ونكد

اول شي حبيت اشكركم ع الدخووول .. وبقولكم القصه من اولهــا عشان تكونون بالصورة ..

انا عندي توأم ولله الحمد .. محمد و علي ..

لمى صار عمرهم 7 شهور لاحظت ان حمادي بدى يقلب ويتحرك ويسوي الاشياء اللي نتوقعها منها مثل اللي بعمره بس علاوي كلش ماسوى هالاشياء ,,!!

هني بديت احاتي وحسيت انه فيه شي .. وديته مستشفى البنك الوطني وسووله تخطيط للدماغ طلع بعد عمري فيه نقص اوكسجين من الولادة .. وموعارفين شاللي سببه ..

حبيباتي ولدي حبيبي الحين عمره سنتين .. .. وهالشي أثر عليه وعلى نموه ونطقه والنظر عنده ,,

تخيلوا حبيب قلبي عمره سنتين لايقلب ولايقعد واذا حطيت له لعبه مايقدر يمد ايده ويمسكهـــا ..

وبس يقول ماما وبابا ودادا

وانا امـــه مايتعرف علي الا عن طريق صوتي لانه مايشوفني عدل ..

وهالمرض معروووف ماله علاج .. الا العلاج الطبيعي ..

وانا حاليــا متغربه عشااانه ورايحه علاج .. ومتــأمله خير ,,

ويوم الاثنين اللي طاف سووله رنين مغناطيسي للدماغ ,., ويوم الاربعاء الياي النتيجه ..

وانا ايدي على قليبي ..

وكلكم عارفين ان ..

لايرد القضاء الا الدعاء

طااالبتكم .. تدعوون له وان النتيجه تفرح قلبي ,,

وان تشخيص الكويت يطلع غلط .. تكفووون ,.,

املي فيك كبير ,, ومالي غيرك ياااارب

اشكركم وسامحووني

واللي حابه تعرف عن هالمرض اكثر ادش هني ..

http://www.ucp.org/ucp_generaldoc.cfm/1/9/37/37-37/447