حملة توزيع الماء على العماله >>> شاركوني ولكم الأجر بإذن الله

قريت هالفكرة في منتدى { انا مراقبه عامه فيه } فحبيت انقل الفكرة
عجبتني وايد وعسى ناخذ الأجر كلنا

قال تعالى : {وما أنفقتم من شيء فهو يخلفه وهو خير الرازقين } (سبأ 39)
وقال سبحانه : { من ذا الذي يقرض الله قرضاً حسناً فيضاعفه له أضعافاً كثيرة } ( البقرة 245)

قال رسول الله صلى الله عليه وسلم : (( ما تصدق أحد بصدقة من طيب ولا يقبل الله إلا الطيب إلا أخذها الرحمن بيمينه وإن كانت تمرة فتربو في كف الرحمن حتى تكون أعظم من الجبل كما يربي أحدكم فلوه أو فصيله )) رواه مسلم .

قال رسول الله ‏ ‏صلى الله عليه وسلم :‏ (( ‏إن الصدقة لتطفئ غضب الرب وتدفع عن ميتة السوء)) رواه البيهقي .

يقول صلى الله عليه وسلم: (( ما من يوم يصبح العباد فيه إلا ملكان ينزلان فيقول أحدهما: اللهم أعط منفقاً خلفاً، ويقول الآخر: اللهم أعط ممسكاً تلفاً )) متفق عليه .

الفكرة :

إذا عندكم أي مشوار الصبح, مرو الجمعيه واخذوا ماي بارد لبن أو حليب أو عصير ..

وزعوه بطريجكم على العمال اللي تشوفونهم بالطريج , والله انهم يكسرون الخاطر ويستانسون وأنتوا بتستانسون بعد لإدخال السرور في قلوبهم

صدقوني شي بسيط تسويه خذ لك من الجمعيه او الفرع كرتون مويه او كرتون عصير .. ووزعوها عالعمال بنفسكم والله بتلقون اثر عظيم في أنفسكم …

شاركونا في حملة ( توزيع الماء على العمال )…
شاركونا الأجر في التخفيف عنهم بتوزيع زجاجات المياه الباردة عليهم ….

:

عجبتني الفكره واااااااااااااايد شوفوا شكثر فيها أجر لأن هالعمال يشتغلون بهالحر وإحنا بالسياره ع المكيفات ومومتحملين بعد

بس ناطره أتوظف وبنفذها بإذن الله

لأني ألحين ما أطلع وايد

إدعولي تتيسر أمور وظيفتي

ويالله شدوا همتكم معاي خل نتسابق ع الأجر

وعسى ربي يتقبل منا يااااااااااااااااااااااااااااااااااااااااااااااااا ااااااااااااااااارب