حملت و اخيرا الحمدلله رب العالمين :) تعالوا اقولكم شلون ؟؟

السلام عليكم بنات ..

شلونكم … و يعطيكم العافيه ..

بنات انا مابي اطول عليكم انا صج ما اشوفون نكي وايد بس ترى وايد وايد اتابع مواضيعكم اهنيه بلقسم و انا بقول تجربتي لكم وعساس غيري يستفيد ولله يوفقكم يارب و يرزقكم الذريه الصالحه عاجلا غير اجلا انا بقول جم شغله و الله يخليكم بنات مابي منكم غير الدعاء لي انه الله يرزقني بلولد الصالح

المهم بنات انا من شهر 4 الي طاف كنت ابي احمل ولله الحمد يعني مافيني شي ما اشتكي من شي عندي بنوته عمرها 3 سنوات المهم نويت احمل و ما صار حمل و استغربت انه ما صار قعدت الف و ادور و ابي اروح عياده خاصه لاني اسمع البنات يقولون ماجده اليتامى ولا منصور العرف ولا القطان ولا عاليه الفضلي ووايد اسامي ولله المهم كل ما اقول الشهر الياي اكنسل

سمعت من مرت اخوي عن شي اسمه القسط الهندي ؟ اعتقد اتعرفونه انتوا اهيه مسكينه كان فيها تكيس و راحت شرته من الحواي الاصلي طبعا و اطحنته نفس البودره و سوته لهوم بعد كل ورا صلاة تاكله و طبعا لا طعم ولا ريحه الله لا يوريكم استغفر الله

المهم رحت انا شريته و قمت اكله من اللهوم اول شي تعدلت دورتي .. ثاني شي اهوه نظف رحمي .. بعدها ريلي راح سوه تحليل مني و طلع عنده نسبة صديد المهم الدكتور بلحكومه عطاه حبوب و بشهر رمضان انتوا عارفين بنات الدعاء فيه مستجاب ولله يا بنات كل شهر اقعد و انطر يوم التبويض و حالتي حااااله و اجهز شغلي و اظبط نفسي بشهر رمضان خليت كل شي على الله سبحانه توكلت عليه صج و بصلاتي ولله اني ادعي حق كل بنيه محرومه انه الله يرزقهاا و بعدين ادعي حق نفسي عاد الحمدلله بنات امس كان عيد ميلادي

و بصراحه الله عطاااني خوش هديه رحت حللت بلغلط بعد لاني كنت باكل حبوب و المفاجأة اني حاامل طبعا سويت تحليل منزلي ما صدقت لاني ما اجربه وايد انا بعدها جان اطيررر و اروح طيبة كلينك و احلل تحليل حمل دم

والحمدلله النتيجة كانت بوزيتف ولله يوفقكم و يسعدكم و يرزقكم و انا مو ناسيتكم و بدعيلكم بكل وقت ان شالله