حياكم طريقه chicken alfredo pasta من مطبخي بالصور لا تفوتكم حدها لذيذه

المقادير

صلصه الاجبان الاربع موجوده بأغلب الجمعيات
كريمة كي دي دي
بوركلي و مشروم
معكرونه فيتوشيني

صدور دياي

اول شي تتبلين الدياي اب ليمون و ثوم وملح وفلفل اسود وقفشه صغيرة صويا بس عشان تعطي طعم خفيف ( نبيها ايطالي يعني لا تكثرون البهارات )

تشوين صدور الدياي وافضل الشواية بس اذا ما عندج حطيها بالفرن مو مشكله

واذا استوى قصصيها شرايح طويله

الصلصه البيضه :

كوب صلصه الجبن
ثلث كوب كريمه سائلة
ملح وفلفل اسود
شوية ثوم مهروس

تحمسين الخضار بشوية زيت زيتون ولما يبدي يستوي تحطين عليه الصلصه مع الكريمة وتخلينها يطبخ على نار هادية

نفوحين المعكرونيه ولما تستوي تخلطينها مع الخضار وتحطين عليها الدياي وزينيها بقدونس مفروم

( انا احب احط عليها صنوبر محموس بس ما حطيت لان ريلي ما يحبه )

وقدميها بالعافيه