خاص ببنات التربيه جامعه الكويت شنو احسن الدكاترة خل نسجل عندهم؟؟؟

اللي اخذت عندهم .

سعد الهاشل = ملتزم بالمحااضره مايغيب ولا يتأخر ابداً ماشاء الله ولا مره غاب ويهتم للحضور وعنده 3 كوزات وامتحاناته موضوعي صح وغلط بالمدتيرم والفاينل صح وغلط واختاري سهله . وعنده برزنتيشن . وطلعت من عنده b وانا مو دراسه عدل لو دارسه عدل جبت الـ a

محمد العبدغفور = يجنن حبـــوب جنج تسولفين مع ابووج المحاضره كلها سوالف بس سوالف تخص الماده يعني يتناقش معانا وعنده برزنتيشن وامتحاناته موضوعيه وبالفاينل يجيب مقالي سؤال واحد بس دقيق بالاسئله .

خالد الرميضي = اخذت عنده بالصيفي حدا ماله خلق لنـــآ واصلاً الشعبه كانت تنرفز وامتحاناته موضوعي بس مادري من وين يجيب الاسئله يطلعها بين كلمه وكلمه محد كان يجيب الدرجه الكامله والامتحان من 20 الاغلبيه من 15 وتحت . يعطي بوونص سواء بتكاليف ولا غيره وعنده برزنتيشن اذا ماتبين تسوين التكليف بس راعانا بالفاينل طلعنا بقريد حلــو .

عبدالله جراغ = هالرجال الله يوفقه بحياااته عجييييييييييييييب والبونصات عنده بالهبل بكل امتحان بوونص سواء 5 درجات ولا 3 درجات والامتحان موضوعي ويحدد لنا المهم قبل الامتحان يعني مانتعب بالدراسه وبالفاينل في بنات جابوا فوق الـ 100 . يعني اذا شفتي شعبته مبطله دايركت سجلي .

وبس . سووري ع الاطاله

اعجز عن الوصف احسن دكتور بس للاسف قسمه ماينزل مواد واجد

لان قسم ادارة مايعطي مواد واجد اغلبها للماجستير

هو ينزل ادارة مدرسية وتربوية واشراف تربوي

بس ما اظن منزلها هالكورس

ال a بسهولة تاخذينها

دشيت من العنوان مو عشان أستفيد وربي يشهد لكن بفيدكم وبطلع

دكتوره مريم المذكور: ادارة مدرسيه, عجيبه تهبل فظيعه تونس كل شي حلو بهالدكتوره تسوي قروبات تسوون بحث بموضوع معين بس والله سهل انا وحده ماحب البحوث ولا أدانيها بس صراحه الماده تهبل حيل تساعدج بالمذكره ومذكرتها تافهه حيل سهله وحتى الفاينل بنات 18 صفحه والكلام اللي فيها تااااااافه والامتحانات مو دقيقه بالعكس تاااااااافهه أنصحكم كلكم تاخذون عندها ترىa مضمونه بس درسوا

لازم مثل ماقتلكم تحضرون وعادي فجي الكتاب بس وانتي تجاوبين لا تقرين واخر المحاضره واهوا ياخذ الغياب يشوف من شاركت ويحط يمها صح واللي ماشاركت يحط غلط بس والله طريقته خلتني لمن وصل وقت الامتحان ولا شدرس ؟ كل شي حافظته من التحضير بس خلاص وبالاخير شي طبيعي A لأن نفس الكتاب نفسه بالضبط تجيج الأسئلة منه ماكو شي يطلع من بره واسئلته مو دقيقه ترى بالعكس مباشره وحلوه..

بنات أدري قرقت كثير بس والله عشان مصلحتكم وترى عندي دكاتره أعرف بعد بس والله أناملي الذهبيه تعبت لووووووول بس لعيونكم كل شي يهون واحنا والله بنخدمكم وانا بما اني سنة 3 قلت أفيدكم باللي أقدر عليه وأتمنى استفدتوا مني ومن باجي البنات همن مايقصرون

واللي يعافيكم اللي تعرف دكاتره بعد لا تبخل على خواتنا ترى مافيها شي نعين ونعاون وكلنا خوات ولنا مصلحة وحدة والله يوفق الجميع والله يقدرني أتذكر بعد وأكتبلكم أكثر

أختكم : مــــس طـــــــحلــــوووشـــــــه …