خاطرج بغرفة مكياااج MAke Up Room ومو قادرة ؟؟؟ حيااااج

مسااااااااءكم فل وورد وكادي يا احلى كويتيات

من غير ما اطول عليكم .. موضوعي اليوم عن

غرفة المكياج MAke Up Room

بالذمة .. جم وحده فيكم تتمنى يكون عندها غرفة مثل هذي ؟
الطاولة واللمبات .. واغراض الميك اب مرتبة تحتها ؟؟؟

أكيد .. بدون شك كل بنت فينا تحب يكون عندها غرفة خاصة بالمكياج .. اضاءتها 100% وواضحة واغراضج جدامج

بس مو كلنا نقدر او ظروفنا تسمح لنا ان يكون عندنا غرفة مكياج … عشان جذي حبيت اقولكم انا شسويت ؟

رحت ايكيا … وخذيت مرايه مربعة على المقاس اللي ابيه بغرفتي … << ممكن اللي مساحتها كبييييرة تتفق مع محل من محلات الزجاج يطلع عليها ارخص ..

وبعدين .. اشتريت اللمبات من ايكيا " يكون عموود فيه 5 لمبات " .. وحطيتهم يمين ويسار وفوق المرايه على طوول المراية وعرضها … وممكن لو المساحة كبيرة تتفقون مع كهربائي افضل عشان ما تكلفون على نفسكم مبالغ كبيرة ..

وبعدين حطيت لي بارتشن بين الغرفة والتسريحه مالتي << اقصد غرفة المكياج

وبجذي صار عندي غرفة مكياااااج بغرفتي

وبالنسبة لتقسيمة الاغراض والمكياج والفرش … هذي شوية افكاااار

انا بصراحة تقسيمتي كانت نفس هالصووورة بس ارتب بواااااااايد "شريت مقسمات الادراج بلاستك من دايسوو وقسمت الادراج وحطيت بارضية الدرج ورق نايلون معطر عشان لا يتوسخ الدرج … << هذا درج الاشياء الصغيرة مثل الشدوات الصغار .. اقلام الكحل … صبغ الاظافر ..
بس البلاشرات والفاونديشن والفرش والبلتات الكبار خذيت مقسم الادراج البلاستك من ايكيا … وحطيته للادراج الكبيرة ..

ونفس الشي حق فرش الشعر والسشوار والفير والشباصات ..

نفس هالصورة تقريبا