خاطري أجيييييب راسه هالمغرور

مساء الخير بنات الكويت

أنا اول مرة أشارك و ابي منكم تشجيع
وطبعا عندي مشكلة وأبيكم تساعدوني في حلها

أنا متزوجة و أموووووووووووووت في زوجي و هو بعد يحبني

اول كان يبين لي هالشي في الداخلة و الطالعة يقول لي كلام حلو بس ألحين حبه بسكات مايقولي كلمة حلوة إلا لما أقط عليه نغزات .
بصراحة هو طيوووووب و حنون بس أحسه بعد سنين من العشرة كأنه بيفهمني انه خلاص،،،،، انت تعرفين أنه أنا احبج فما له داعي هالكلام و المغازل كل يوم . مع إني مووووووووووو مقصرة
وأنا رايي العكس إذا ما ذكرنا بعض الحب راح يذبل يختفي >> حدها رومنسية الأخت
ألحين مشكلتي إني متزاعلة أنا وياه صار لنا كم يوم ما نكلم بعض وهو طبعا الغلطان وأ نا طبعي حساسة يعني شفته ما جا يراضيني رحت انا أسولف و أقط عمري عليه و آخر شي أنا اللي اراضيه

طبعا الأخ طاح فيني يزعلني ويجرحني ويحط رجل على رجل ينطر الأخت تجي تراضيه و تلطف الجو
و الاخت طبعا اللي هي انا موووووووو مقصرة لاني أحببببببببه و أشتاقله ما أقدر أصبر عنه لانه يهبل في كل شي إلا هالشغلة و لما أتذكر محاسنه أطخ وأخلي كبريائي و أراضيه
و انا زعلانة من نفسي .
ليش أنا هالشكل ضعيفة ليش ما اكون مرة عنيدة و أصبر إليما هو يجي يراضيني .صدقوني يابنات كم مرة حاولت ما أقدر دايم هو اللي يكسرني . يعني عمره إذا غلط ماجا واعتذر وسمح خاطري في كلمه ليش مااستاهل ؟ وأنا مو مقصرة قايمة بواجباتي و زيادة و دايم إيقول الله يخليلي امي اللي زوجتني لج؟

مالكم في الطويلة ألحين هالمرة طالت الفترة وحنا مانتكلم ويبين لي إنه الوضع عاجبه و إني مرتاح هالشكل، وترى ماني محتاجج
بس أنا زهقت انطره يتعذر و الأخ ولا هامه وانا بصراحة قامت تعز علي نفسي مابي انزل من نفسي أكثر و أقعد كل اشوي اراكض وراه .يعني طلت السالفة و مصخت و الاخ حده متكبر وشايف نفسه علي و مو في باله يعتذر.
ولا تقولون لي كلميه كل الكلمات اللي في القاموس قلتها و آخرتها قبل كم يوم فتحنا السالفة و قلتله ليش تكبر علي و وماتراضيني تخيلواااااا شيقول ؟
((( انا الرجال انت اللي لازم تجيني حتى و انا غلطان ؟؟؟ ))))
وأفهمه الاسباب و أذكره إني مو مقصرة معاه و شلون انا اقعد أتفرفر لما ازعله وأدورلي على طرق حلوة وغريبة أراضيه فيها – شقالي؟
قال إي والله كل الكلام اللي تقولينه صح و انا مقصر معاج بس إعتذار إنسي؟؟؟؟؟؟؟؟تبين تكلمين معاي عقب الهوشة اهلا و سهلا ما تبين لا توقعين بجي أساحلج و اراضيج

بنات أمانة هذي مي حالة ؟ احس إني ذالة نفسي له حيل شلون اخليه يحسسني بقيمتي وإن الاعتذار مايقلل من قيمة الواحد حاولت افهمه موراضي يقتنع
شوووووووورو ا علي انا محتاجتلكم
سوري عالإطالة