خايفه من الصدمه !! راح تنهار نفسيتي

مساء الخير
شخباركم حبايبي ان شاءالله بخير

بنات انا تعبانه نفسيتي

بنات انا لي سنه و 7 شهور زواج
متأخره بالحمل ولا مره صار حمل
وبموت عالضنى وعلى اني اكون ام

معاي تكيسات وهرموناتي مو منتظمه

عالجت عند 3 دكاتره اول اثنين لعبوا فيني الله يسامحهم
والحين ماشيه عند دكتورة والف الحمدالله احس حالتي قاعده تتحسن معاها
وانصحتني اني اسوي تلقيح صناعي

لان زوجي معاه بعد نقص بعدد الحيوانات المنويه وبطء حركة

رحنا حق شيوخ
وكلينا عسل
وخليت زوجي يسوي حجامه
وناويه هم اروح حق ردادات

بس اللي صار ان حاليا دورتي متأخره 8 ايام

بنات ماتتصورون لو اقولكم كلش مو ناويه احلل
ولي يومكم ماحللت نهائيا واتنرفز اذا زوجي ياب طاري ان نحلل

بنات حيل حيل افكر واحاتي
كل خوفي من اللحظه اللي اروح احلل فيها واطلع مو حامل

والله يا بنات اني خايفه على نفسي
ادري راح اتعب وراح اكتئب وتلقوني بس ابجي ايام

ادري الواحد لازم يكون ايمانه بالله قوي ويصبر
والحمدالله اني مره مصليه وبكل سجده اقول ربي لاتذرني فردا وانت خير الوارثين
ومداومه على سورة البقره وعالصدقات

بس هالشي يتعب النفسيه خاصه اذا انتي تموتين عاليهال
وخاصه اذا انتي كل يوم تتخيلين عيالج !
بنات والله مرات اذا شفت ملابس حلوه لليهال اشتري واخشهم اقول حق عيالي بالمستقبل !

اتخيلهم والله يابنات بالبيت بالسياره

احس اني راح اصير مينونه

الحمدالله يارب على كل حال
بس بنات تعبت من التفكير وموقادره احلل خايفه حيل
اقول لا راح تنزل مردها تنزل بنطر لو بعد شهر مردها بتنزل !

لان لمن غسلت من اخر دورة سوتلي الدكتورة سونار داخلي للتبويض قالت حجم بويضات صغار 10
ولازم يكبرون ونسوي تلقيح صناعي
وعطتني كلوميد اخذه من تنزل دورتي اللي للحين ماشرفت

سامحوني تكلمت وايد
بس حابه افضفض لكم لاني ارتاح لي شفت ردودكم وكلامكم

ادعولي محتاجه الدعاء ولكم بالمثل والله يرزق كل محرومه يارب ويسهل على كل حامل يارب