خبرات سنة اولى روضة القادمة

وعسى ربي يخلي لكم عيالكم ويبارك لكم فيهم ويخليكم لهم ان شاءالله

ويوفق كل وحدة ردت علي وبردت قلبي

ويوفق اللي قرت موضوعي وما قدرت ترد

والله بنات هالموضوع صج باط جبدي انا بنتي اجتماعية وحبوبة وما عليها قصور والف الحمدلله على كل شي

احسها بتنقمت بهالصف

وبعدين اهي كل يومين اتييلي تشتكي من بنية بالصف كله تدزها عيل الابلة وين نايمة بالعسل؟؟؟

الله يعيني والله واتحمل اللي ايي حق بنتي

و

عبق الورد

شكرا عالمرور حبايبي وما قصرتو

بس صدقوني والله ما ظلمت الابلة انا ولا تبليت عليها ولا حكمت انها فاشلة ولا شي لا حشا بس انا لاني شفتها بالنشاط حييييل هادية

وانا اعرف ابلات روضة واااايد هادين وخجولين بس ويا اليهال غير يصيرون حرجين وماشاءالله عليهم

ومو قصدي انقص من قدرها لا انا ابلة وما ارضى لو شنو انه احد يقلل من قيمتي ولا قدري

بس بنتي ماشاءالله اجتماعية وتروح متحمسة للروضة وتحب الابلة وايد وانا ابي بنتي تتعلم اشياء يديدة مفيدة

وبالنسبة للاوراق حبايبي انتو اقصد ورقة طلبات ولا ورقة فيها تعليمات ولا شي انا هالبنت وحيدتي ومااعرف طريقة الروضة وتواصل الاهل مع الروضة طبعا غير الزيارات….!! عشان جذيه قلت للابلة اني مدرسة وما اقدر ايي ساعات بس اذا بغيتو شي رقمي عند الوكيلة بلغيها تقول لي اهي ……ولا طرشي ويا بنتي ورقة

وورقة الخبرة يعني ما يدزونها للاهل يعني؟؟
ما يبلغونهم عن الخبرة الياية؟
فعلا انا ماادري عن هالشي !!

عموماا

اليوم في اشارة حلوة للتغيير يتني بنتي فرحانة من الابلة حاطة لها نجمة على ايدها فوق هههههههههههههههههههه

قلت لها عفية عليها ابلتج حلوة وتحبج وانتي شطورة

والله يخلي لكم عيالكم يخلي لي بنيتي