خبيرآت مكــه المكرمه + إمآرة دبـي,,,تعالووا هـوون بليز ^_^

دبي:

عبي وملافع ابوهيل مجمع كامل تلقين كل العبي والملافع فيه

ومطاعم كنا نروح حق اللي موجوده بالمجمعات عاد شوفي شنو الحلو واختاريه

والمجمعات: ابن بطوطه حلووو وبضاعته مميزه
مول الامارات بحياتي ماراح اشوف مثل كبره وفيه ماركات عالميه مثل سالوران وهالطقه

دبي مول من اوله إلى آخر ماركات بماركات طبي وتخيري

فيه مجمع دراغون (التنين) يسمونه السوق الصيني للأمانه ما دخلته بس سمعتهم يمدحونه يقولون بضاعته رخيصه وحلوه وكان جدامنا بالفندق كويتيين يسئلون عنه

((فيه مجمعات واجد بس اغلبها مثل بعضها يعني اغلبها ماركات))

وروحوا حق الرحلات البريه توووووونس تحجزونها من الفندق ((وهي قروب)) الصرااحه تغيير جو عن المجمعات تركبون جيوب ويمشون فيكم وسط البر بس ما انصح يكون معاكم صغار لأن مثل ما تقولين مثل يركبون الكثبان وينزلون ويقحصون في البر عقبها يعزمونكم في مكان جنه مخيم وفيه بوفيه ووحده تنقش حنه

ورحلة بقارب بالخور

واذا تبون فيه رحلات يودونكم حق ابوظبي يوم ويردونكم تمرون على اهم الاماكن السياحيه هناك من اهمها مسجد الشيخ زايد الابيض

بس ترى المسافه من دبي لي ابوظبي تقريبا ساعه وشوي

وعندج برج خليفه روحي زوريه

هذا كل اللي جربته في دبي واتمنى اني افدتج