خبيرات مطبخ غششوني شكثر اخلي صدر الدياي يفوح؟ هييي لا تضحكوون:)

تقطعينه صغار وتحمرين القطع بالزيت مع ثوم وبهارات وعصرة ليمون … وماتاخذ وقت ترى

بعدها سوي خلطة ثوم ومايونيز او صلصة طحينه + مخلل + بقدونس + بصل شرايح

ولفيهم بخبز ابيض او صاج …. اما اذا كانت ديايه كامله وبتفوحينها اكيد

( بصله – فلفل اسود حب – اعواد دارسين – طماطه – فص ثوم – 1م كركم – هيل حب – مسمار حب )

وليه استوت تبين … غزي الشوكه فيها تحسين بطراوتها … بعدها سحبيها من العظام

ورشيها بهارات ( دارسين – هيل – بهارات مشكله – فلفل اسود – ملح – ثوم مهروس وعصرة ليمون)

حمسيهم شوي بدهن … مو وايد لان الدياي مستوي اساسا

ولفيهم مثل ماقلت لك سابقا ….

اما بخصوص شنو تودين اخذي جدر … وترسيه نخي وباجله …. وسخنيه هناك

ترى حلو خصوصا بالليل الجو بارد …. واليهال والكبار يحبونه …. او ممكن تسوين طبق معكرونه