خبيره السمج اتدش .

مجبوس النقرور ياطويلة العمر تاخذين السمجه وتغسلينها زين مازين وتكونين مجهزه الحشو اللي يتكون من بصل ناعم وكزبر واشبنت مفروم ناعم وتحطين عليه بهاراتج وشوي مسمار مطحون وليمون اسود ناعم وملح وثوم مدقوق عقب ماتحشين بطن السمجه خيطيها ومن بره رشيها بالكركرم والكاري مخلوطين مع بعض تمرغلين السمجه بالخلطه هذى

عندج العيش منقع وزاهب
اتييبين الجدر اللي بتطبخين فيه شتسوين ياطويلة العمر تحطين شوية سمن المراعي بقاع الجدر وتقلين السمجه من الصوبين بكل راحه لاتحطين السمجه الا عقب مايحما الدهن عقب ماتقلينها من الصوبين تشيلين السمجه تخلينها علي كتر وعندج شويه من الحشو مال السمجه زايد اقول لج شتسوين فيه

تاخذين شويه من هالحشو وتقطينه بالجدر وصبي ماي حق العيش بالجدر مع مكعبين ماجي وخليه يغلي الماي وكتي العيش يطبخ يطبخ لين يستوي وشخلي العيش تالي تحطين شويه دهن بقاع الجدر وحطي ملاسين عيش مشخول وعقبها حطي السمجه وكتي عليها باجي العيش وحطي الحديده تحت الجدر وقصري عالنار وخليه يتسكر العيش واكلي بالعافيه ياقلبي

وبيض السمج غسليه زين وتبليه ببهارات السمج خليه عشر دقايق وحمي الزيت عالنار واقليه عادي واكليه هني وعافيه ياقلبي
ولاتنسين المعبووج والاجار الكويتي والدقوس وياااااااعله مداخيل العافيه يارب