خروج الحليب من الانف 😨 فيدوني

بمعدته هواء ضروري بعد كل رضعه تنومينه على كتفج دبدبي على ظهره بأيدج خفييييييف حتي يترع جذي ماراح يطلع حليب من خشمه ما قصرو امهتنا الكبار علمونا ونصحونا وحتى الدكتور لما تستشيرينه راح ينصحج بالطريقه هذي

عسى الله يخليه حقج ويحفظه

وعقب الحليب ضروري يتريع لان اذا استمر جذي لا قدر الله يصير ارتجاع

والله يشاافيه وخليه لكم

اي صح الدكتور قال نفس كلامكم

والحمد لله ما في شي الحين

جزاكم الله الجنة❤. ع الرد

و هذي نصيحة الدكتور لي و طبقتها و حمدلله قل الترجيع حيل :

اول شي لمة تشربين الرضيع الحليب :
1- الرضعه ما تكون مسكرة حيل عشان لمة يشرب ما يبلع هوا تخلينها منسمة شوي بس
*- ما يشربها على طول سحبة وحده ، يشرب نص و بعدين تشيلينه يطلع هوا و عقبها بربع ساعه او نص ساعه تخلينه يشرب الباقي
3- اذا كان يشرب بسرعه بسرعه بعد نفس الشي شيلي من حلجه و رفعيه حتى لو يبجي لان اللي يشربه بسرعه يرجعه بسرعه

4- اشتري كرسي حق عقب الرضاعه اللي يكون فيه راس البيبي مرتفع بس ظهره سيده مو مجندس
نفس هالصورة شوفي ظهر البيبي سيدة و راسه مرتفع عشان الحليب ينزل معدته

تلقين كراسي مثل هالطريقة بسنتر بوينت يكون ظهرها سيده و لي كبر تسفطينه يصير كرسي حق الاكل

5- ساعات الرضاعه لا تخلينها بعيده عن بعض اذا كان يشرب كل ساعتين او 3 فخليها كل ساعه و قللي الكمية عشان المعده تستحمل

و ان شاء الله بقل الترجيع حيل و تروح منه هالمشكلة ليما تتعود المعده