بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
بنات انا صارلي من تزوجت سنتين وماعندي طفل سبحان الله حملت بعد 7 شهور من زواجي وتم الحمل شهر ونص وبعدين عزكم الله شفت شي نزل مني نفس جبدة الخروف بس رقيقة شوي وماكنت اعرف شنو اهوا جان اقطه
بعد شهر سويت سونار ولا تقوللي الدكتوره كيس الحمل فاضي مافي حمل وكتبتلي تنظيفات خفت وقعدت بمكاني اسبوعين لحد ما دخلوني المستشفى دخول طارىء لانه كان معاي نزيف وطلق وسوولي تنظيفات والحين صارلي سنه وشي وما حملت
زوجي مافيه شي وانا مافيني شي كل التحاليل سليمه
لكن والله تعبت من نظراتهم واسئلتهم اللي تجرح والحريم اللي تحمل بس عشان تحرني ومن ادخل عليهم فلانه طلقها ريلها تستاهل حاطه ايدها على خدها وما حملت بعد الريال يبي عيال
وانا من النوع السكوت الحمدلله اطنش بس والله تمكنوا مني ما افدر امسك نفسي صرت اغار واتحسس من كل شي واحس ان التنظيفات ضعفت مبايضي ارجوكم افيدوني يا بنات ابي احمل
والله تعبت يارب لا تذرني فردا وانت خير الوارثين الله يرزقني واياكم يارب
السلام عليكم ورحمة الله وبركاتهبنات انا صارلي من تزوجت سنتين وماعندي طفل سبحان الله حملت بعد 7 شهور من زواجي وتم الحمل شهر ونص وبعدين عزكم الله شفت شي نزل مني نفس جبدة الخروف بس رقيقة شوي وماكنت اعرف شنو اهوا جان اقطه
بعد شهر سويت سونار ولا تقوللي الدكتوره كيس الحمل فاضي مافي حمل وكتبتلي تنظيفات خفت وقعدت بمكاني اسبوعين لحد ما دخلوني المستشفى دخول طارىء لانه كان معاي نزيف وطلق وسوولي تنظيفات والحين صارلي سنه وشي وما حملت
زوجي مافيه شي وانا مافيني شي كل التحاليل سليمه
لكن والله تعبت من نظراتهم واسئلتهم اللي تجرح والحريم اللي تحمل بس عشان تحرني ومن ادخل عليهم فلانه طلقها ريلها تستاهل حاطه ايدها على خدها وما حملت بعد الريال يبي عيال
وانا من النوع السكوت الحمدلله اطنش بس والله تمكنوا مني ما افدر امسك نفسي صرت اغار واتحسس من كل شي واحس ان التنظيفات ضعفت مبايضي ارجوكم افيدوني يا بنات ابي احمل
والله تعبت يارب لا تذرني فردا وانت خير الوارثين الله يرزقني واياكم يارب
استمري على العسل واكثري الاستغفار….
بعض الحريم بعد التنظيفات بسرعه تحمل وبعضهم لا
والاهم تاكدي من هرمون الحليب يمكن عندك هو مانع للحمل
كل ماعليج تروحين طبيب/طبيبة نساء شاطرة و خليها اتابعج وتاخذ التحاليل وتشوفين شنو السبب ؟؟
وعقبها ابدي معاها العلاج و توكلي على الله ،،، والاهم من كل اللي ذكرته الدعاء و الاستغفار و سورة البقره
خلي ايمانج قوي بالله ،، و الله سبحانه و تعالى عند حسن ظن عبده فيه
دعواتي لج و لكل بنات تأخر الإنجاب بالذريه الصالحه يارب
لما يقولون " حاطة ايدها على خدها تنطر " يبون منج انج تروحين تراجعين المستشفى ..عشان تتأكدين ان كل شى سليم ..انا اشوف هالشى لازم تسوينه و بأقرب وقت …
بعدين النفسية ترا تلعب دور كبير فى منع الحمل!!
لا تدشين على اللى يقثونج !! مو لزوم ..اللى ما يفهمون ان هالشى نصيب و بيد الله ..ماله داعى تجابلينهم من الاساس ..حتى لو اهل ريلج !!
عسى ربي يجبر بخاطرج ويرزقج بالذرية الطيبة الصالحة عاجلا غير اجلا اللهم آمين
عموما انا راجعت عند دكتوره قالتلي رحمج مرتد للخلف ولازم تنامين على بطنج حزه الجماع ومره تقوللي لا مافيه شي بس مرتفع شوي
ومرة تقوللي مبايضج شوي تعبانه بس ماله داعي كلوميد لانج حملتي من الله بدونه خليج ناطره
وانا ماقدر انطر انتو ماتدرون شلون اتضايق من زوجي وعليه بعد والله يكسر خاطري لا شافله طفل ولا شي يقعد يبوووس فيه ويلمه ويلاعبه ومرات اشوفه يشتري ملابس حق اليهال ويخشهم
والله يا بنات ادري الموضوع مو بيدي ولا بيدكم بس شسوي حبيت افضفض واريح شوي من اللي بقلبي احس تعبت وايد
بس يبيلج طبيب ثقة
ابدي معاه
تحاليل دم اشعة الصبغة ( تبين سلامة الانابيب)
واقري سورة البقرة بنية الحمل
(لاتستهينين بهالنقطة)
وحتى لو مافيج شي
الكلوميد يضاعف فرص الحمل
والدكتورة تقول الرحم مايل او راد ورا
اسمع ان هالسوالف يقدرون المعالجات الشعبيات على معرفتها وعلاجها
دوري وحدة ثقة
وشوفي رايها
انصحج تروحين لدكتورة فوزية القطان بصراحه حيل شاطره..