خطوات العددي

هلا حبيبتي
الاهداف ممكن تكون
_ يتعرف على العدد ١٥ رمزا ومدلولا
– يشارك زملائه باللعب
– يودي حركات تنشيطية مع العدد ١٥

اول شي طبعا المنبه لازم يكون سياره اذا بتصنفين سياره ( المنبه لازم يكون نفس اللي بتصنفينه ) .
بعد المنبه مناقشه بسيطه عن المنبه بسيطه كلش لانه العددي طويل بعدين تبلشين يصنفون الاطفال بالاطواق العدد لصغير على يسارج عشان يكون على يمين الاطفال والعدد لكبير على يمينج ( اللي بتصنفينهم لازم يختلفون بشيين اللون الشكل الحجم ) نحط عناصر التصنيف ١٤ سياره عاليسار نستخرج العناصر ويعدهم الطفل ويحط العدد ١٤ بعدين نستخرج عناصر المجموعه الثانيه ونعدهم ونستخرج العدد الحديد بطريقه مشوقه تقرونه جماعي وفردي وتكتبونه ونحطه بجانب المجموعه تسالينهم هل المجموعتين متكافئتين طبعا لا شنسوي نضيف عنصر عالمجموعه عددها ١٤ ونرد نستخرج العناصر ونعدهم ونحط العدد ١٥ اصبحت المجموعتين متكافئتين بعدين مسابقات ٢ كافي حسب وقتج او ٣ بعدين الهدف الحس حركي توقفين الاطفال وتصفقون ١٥ صفقه وتنطون ١٥ نطه وبس ،، ان شاء الله ما اكون نسيت شي وسامحيني عالشرح لانه من الايفون اكتب موفقه حبيبتي دعواتج *

تقدرين تحطين الهدف السلوكي يحرص على ربط حزام الأمان

وتحققينه من خلال مسرح العرائس بتمثيل من خيالج وووبس

انا مثلج ماعمري قدمت عددي لأن توني متوظفة وان شاء الله خير لا تحاتين العدد حيل سهل وحلو

جزاكم الله الف خير