خطوة خطوة تعلمي شلون تسوي خبز الصاج مع حشوة الجكن برغر

بعدين بتحتاجون للمحور علشان تفردون فيها العجينة وعلشان يكون الخبز روعة لازم تكون العجينة رقيقة كثر ما تقدرون
حتى لو صار فيها بالوسط خرم مو مشكلة اهم شي انها تكون رقيقة

ألحين بتحتاجون لصاج واللي ما عنده صاج يستخدم مقلى تيفال مثل حلاتي
اهم شي ينحط على عيون غاز خفيفة وراح نحناج ان نمسح الصاج بمسحة زيت بفوطة نظيفة كل مرة نجي فيها
بنخبز خبز ولا تنسون هالشغلة لا يصير لكم الخبز مبقع اسود

ألحين الصاج دهناه ، ننقل عليه عجينة الخبز الرقيقة

والشغلة ما تاخد وقت ياذوب دقيقة دقيفتين يبدأ الخبز ينضج وراح تتأكدون من هالشغلة من الخبز اللي بينتفخ على خفيف

اضافة الى الى اطرافه بتبدي تحمر وعلشان تتأكدون اكثر اقلبوا الخبز على الوجه الثاني راح تشوفون ان بدأت نقاط فيه
تكتسب لون بني
بالطبع راح تتركونه على هالوجه ونفس ما حصل للوجه الاول لازم يصير للثاني وخلاص الخبز صار جاهز

ألحين بتحتاجون ان تتركون جنبكم وعاء تجمعون فيه الخبز بشرط ان يكون للوعاء غطاء ولازم تحطون بداخل
ورق مطبخ علشان لا يلصق لكم الخبز لو تعرق
ومثل ما انتوا شايفين نقلنا الخبز في وعائنا

وتركناه مغطى

ألحين بفتح لكم الغطاء اراويكم ويش سوينا

وطلعنا بعدد ما يقارب من الـ 10 – 14 خبز طبعا هذا يعتمد على حجم كرة العجين وحجم الصاج
ولا تنسون انكم تقدرون تقطعوا اطراف العجين علشان يطلع لكم الخبز مستطيل ومرتب

وهذه هي المحصلة

الخبز صار جاهز وعلينا تجهيز الحشوة
تقدروا تسوا اي خلطة تعجبكم
فلافل مع جبن
فلافل مع سلطة
شاورما دجاج
كبد دجاج بالخضار
على راحتك اللي يعجبكم

اني اليوم سويت خلطة بصراحة بسيطة وفي نفس الوقت لذيذة واهم شي عجبت اهل بيتي

خذيت جكن برغر 4 قطع وقطعتهم اصابع
وقليتهم في المقلى

ضفت عليهم طماط مقطع صغار مع رشة ملح

عطيت الجكن برغر نكهة الشواء بأشعل فحمة واثارت الدخان بالزيت وغطيت الوعاء