خلطت نوعين من الزيوت العطريه وطلعت الريحه عجيبه واااااااو

أحبكم في الله

مثل ما استفدت منكم وايد حبيت اعرض تجربتي

أنا وايد تهمني ريحه البيت فدائما ابحث عن كل جديد
ومن قبل عند حاطه في هذا القسم الي وايد احبه تجربتي في تعطير بيتي

ما اطول عليكم انا مدمنه زيوت عطريه وخاصه من محل زهور الريف اذا دخلته اشتري بقيمه 80 الى 100 دينار دائما احب استخدم زيوته العطريه في مبخر الشمع لتعطير البيت

امس ريلي قالي جهزي البيت بيون ربعي

ففتحت مبخر الشمع كان فيه اشوي من زيت عطري اسمه نبتون وله اسم ثاني ( زهور الريف ) فكان اشوي الزيت فضفت عليه زيت عطري ثاني جديد قالى الموظف الي يشتغل في المحل انه جديد اسمه رومانسي المهم اختلط الزيتين مع بعض يا بنات عجيبه الريحه من غير مبالغه انتشرت الريحه ريلي وربعه اقعدو في السرداب وانا في الدور الارضي الريحه تخيلو الريحه واصله للدور الارضي
وعلى فكره انا لما بيوني ضيوف احط مبخر الشمع في زاويه على الطاوله وتظل الشمعه امولعه لما يطلعون الضيوف فالكل يسأل عن الريحه من يايه

ان شاء الله انكم تستفيدون من هذا الموضوع