خلووونا بالمهم البواسير بعد الولاده :)

هلا والله ام علاوي انتي شلونج؟؟

هههههه مو اقولج ماكو شغل كل وحده تلحق الثانيه من موضوع لي موضوع

المهم..خليني اقولج عن اللي سمعته :

اللي سمعته يا طويلة العمر ان اغلب الوالدات يطلعلهم بواسير بعد الولاده من الدفع اثناء طلعة الراس..

لا مو بس بعد الولاده في حمل يطلعلهم اثناء الحمل من حبوب الحديد اللي اتسبب الامساك و انا وحده منهم

لم قلت حق الدكتوره عطتني كريم استخدمه مرتين..

بس مالي خلق المصيبه اني ما اعرف اواضب على الشي..

فاستخدمته اول ماعطتني اياه مره باليومين بعدين مره بالاسبوع و الحين بطلت…

ما ادري ماحسيت بنتيجه يمكن لو استخدمه عدل احس بنتيجه..

اذا انتي من النوع اللي اتواضبين قوليلها خل توصفلج الكريم..

و قلت بنطر ان شاء الله لي بعد الولاده اذا ماراح بشوف شنو العمليات اللي يسونها..

يقولون في عمليات سهله و سريعه يسمونها كبس ماتاخذ دقايق..

والله يشفينا يا رب

ارجع و اقول هذي ضريبة الامومه الله ياجرنا ان شاء الله

البواسير ضريبة مؤلمة للامومة !!ومع كل طفل تكبر ويزيد حجمها!!يعنى ما توصلين عند اخر جاهل الا والوحدة تسحبهم وراها!!!تخيلوا المنظر !!هههههههههههه

شر البلية ما يضحك!!!!!!!!!!!!!!!!!!!!!!!!!

والله انا طلعلي وانا حامل اول ما طلعو قمت ابجي من العوار ريلي كان يضحك عليي
وشرالي كريم من الصيدليه قام يروح ويرد خفيف
وعن ريلي يطفرني فيهم الحين هههههههههههههههههههههههه

بصراحه انا ما راحوا الا لما صار عمر ولدي 11 شهر لوووووووووووول بس انشاء الله اتصيرين احسن مني

عاااااااااااادي حبيبتي اعتقد اى وحده والده يكون فيها بواسير وهذا من الطلق وانا وحده منهم ) وهذا ثالث بطن والله لا يواريج الألم من الخياط ومن البواسير ومع الوقت خفت والطبيب عطاني كريم وتحاميل طبع خف اللألم بس ما راحت وبالنسبه للزوج كيفه عاااااااااااااد يعني شنسوي بله هذا حال كل أم

بس انه لمن قلت حق دكتوره ناهده العلي ابييي اسوي عمليه عشان اشيلهم وقلت لها اني سامعه عن عمليه بدون الم حق البواسير يمكن هذي الكبس على قولتج

جان تقولي لااا لا تفكرين تسوين عمليه ترى يطلع لج غيرهم ويمكن بزياده الحين البواسير عندج بشكل خفيف وان شلتيهم يطلعون لج بشكل فظيع بعدين وو مع عوار وحاله خليهم جذي بروحهم يخفون

بس والله وايد مفتشله اشلون باللله ريلي اشبيقول ههههههه من كثر ما تطنزت عليه صار فيني (( شر البلية ما يضحك )) ههههههه

واو سأليني عن البواسير انا بالمستشفى الناس يزوروني وانا أبكي من الالم منهم وما كنت اقدر امشي ولا اوقف ما اقدر اوصف لج الالم اللي كان فيني وطبيعتي على طول امساك عاد اخذي ومع كل ولادة يزيدون بس انتي اذا ما معاج الم عادي لاتحاتين يروحون.